ഗാസ : ഇസ്രായേലിനെതിരെ യുദ്ധം ചെയ്യാൻ കുട്ടികൾക്ക് ആയുധപരിശീലനം നൽകി ഹമാസ് ഭീകരർ . ഗാസ മുനമ്പിൽ കുട്ടികൾക്ക് ആയുധം ഉപയോഗിക്കാനും ഗറില്ലാ യുദ്ധം നടത്താനും സൈനിക ശൈലിയിലുള്ള പരിശീലനം നൽകുകയാണ് ഹമാസ് . ഇസ്രായേൽ സൈനികർ കൊലപ്പെടുത്തിയ ഹമാസ് ഭീകരരിൽ ചിലരുടെ ഹെഡ്ക്യാമുകളിൽ നിന്നാണ് ഹമാസിനെതിരെ ഇത്തരം തെളിവുകൾ പുറത്ത് വന്നിരിക്കുന്നത് .
ഈ കുട്ടികളിൽ പലരും 14 വയസ്സിൽ താഴെയുള്ളവരാണ്. സൗത്ത് ഫസ്റ്റ് റെസ്‌പോണ്ടേഴ്‌സ് (SFR) എന്നാണ് ഈ സംഘത്തിന്റെ പേര് . കൊല്ലപ്പെട്ട ഭീകരരുടെ ശരീരത്തിൽ സ്ഥാപിച്ച ക്യാമറകളുടെ റെക്കോർഡിംഗിൽ നിന്ന് കുട്ടികൾക്ക് തീവ്രവാദ പരിശീലനം നൽകുന്ന ഫോട്ടോകളും വീഡിയോകളും കണ്ടെത്തിയിട്ടുണ്ട് .
ഗാസ മുനമ്പിലെ കുട്ടികളുടെ മനസ്സ് മാറ്റുകയാണെന്ന് എസ്എഫ്ആർ പറയുന്നു. പുസ്തകങ്ങൾ വായിക്കുന്ന പ്രായത്തിൽ, അവർ വലിയ തോക്കുകൾ എടുക്കുന്നു. സൈനിക ശൈലിയിലുള്ള പരിശീലന ക്യാമ്പിലാണ് ഇവരെ പാർപ്പിച്ചിരിക്കുന്നത്. ഹമാസ് ഭീകരർ ഇസ്രായേൽ വീടുകളിൽ കയറി കൂട്ടക്കൊല നടത്തുന്നതും വീഡിയോയിൽ കാണാം.
കുട്ടികൾക്കും, വീടുകൾക്കും നേരെ ഹമാസ് ഭീകരർ നടത്തിയ ആക്രമണത്തിന്റെ വീഡിയോ കൂടുതലും ഫർ അജ മേഖലയിൽ നിന്നുള്ളതാണ്. ക്യാമറകൾ കണ്ടെത്തിയ ഭീകരരുടെ മൃതദേഹങ്ങളിൽ അത്യാധുനിക ആക്രമണ റൈഫിളുകളും റോക്കറ്റ് പ്രൊപ്പൽഡ് ഗ്രനേഡുകളും ഉണ്ടായിരുന്നു. അവർ പോകുന്നിടത്തെല്ലാം അവർ നാശം സൃഷ്ടിച്ചു. മുന്നിൽ വരുന്നവരെ വെടിവച്ചു വീഴ്‌ത്തുകയായിരുന്നു.
