മെസിയല്ലാതാര്…! ലോക ഫുട്‌ബോളിലെ ‘എട്ടാം’ അത്ഭുതം; ഹാലണ്ടിനെ പിന്തള്ളി ബാലന്‍ ദി ഓറില്‍ മുത്തമിട്ട് ലോകജേതാവ്

പാരീസ്: ലോക ഫുട്‌ബോളിലെ എട്ടാം അത്ഭുതം ആരെന്ന ചോദ്യത്തിന് ഒരേ ഒരു മറുപടി… മെസി ലയണല്‍ മെസി, മെസിയല്ലാതാര്.മാഞ്ചസ്റ്റര്‍ സിറ്റിയുടെ നോര്‍വേ താരം എര്‍ലിംഗ് ഹാലണ്ടിനെ പിന്നിലാക്കി കരിയറിലെ എട്ടാം ബാലന്‍ ദി പുരസ്‌കാരം സ്വന്തമാക്കി വിശ്വകിരീട ജേതാവ്. ഇതോടെ പുരസ്‌കാരം സ്വന്തമാക്കുന്ന പ്രായമേറിയ താരമെന്ന ഖ്യാതിയും അര്‍ജന്റൈന്‍ താരത്തിന്റെ പേരിലായി.36-ാം വയസിലാണ് താരത്തിന്റെ പുരസ്‌കാര നേട്ടം. ഖത്തറില്‍ ഫ്രാന്‍സിനെ കീഴ്‌പ്പെടുത്തിയ നേടിയ ലോകകിരീടമാണ് താരത്തിന് തുണയായത്. കരിയറില്‍ ഇനി മെസി നേടാത്ത പുരസ്‌കാരങ്ങളുടെ പട്ടിക ശൂന്യമെന്ന് വേണം പറയാന്‍. ഡേവിഡ് ബെക്കാമാണ് പുരസ്കാര പ്രഖ്യാപനം നടത്തിയത്.

കഴിഞ്ഞ സീസണില്‍ 41 ഗോളും 26 അസിസ്റ്റും നേടി.30 അംഗ നോമിനേഷന്‍ ലിസ്റ്റില്‍ ഏറ്റവും കൂടുതല്‍ സാധ്യത കല്‍പ്പിക്കപ്പെട്ടിരുന്നത് ലയണല്‍ മെസിക്കും എര്‍ലിംഗ് ഹാലണ്ടിനുമായിരുന്നു. എങ്കിലും ഫാബ്രിസോ റൊമാനോ അടക്കമുള്ളവര്‍ മെസി എട്ടാം തവണയും ബാലന്‍ ദി ഓര്‍ നേടുമെന്ന് തറപ്പിച്ച് പറഞ്ഞിരുന്നു.

2009, 2010, 2011, 2012, 2015, 2019, 2021 വര്‍ഷങ്ങളിലായിരുന്നു ഏഴ് പുരസ്‌കാരനേട്ടങ്ങളും. അഞ്ചുതവണ രണ്ടാം സ്ഥാനത്തെത്തിയ മെസി തന്നെയാണ് പുരസ്‌കാരം നേടിയ ഏക അര്‍ജന്റൈന്‍ താരവും.പി.എസ്.ജി.ക്കുവേണ്ടി 2022-23 സീസണില്‍ ഫ്രഞ്ച് ലീഗ് വണ്‍ കിരീടം നേടിയ മെസ്സി, പിന്നീട് ഇന്റര്‍ മയാമിക്കുവേണ്ടി ലീഗ്സ് കപ്പ് ട്രോഫിയും നേടി. സീസണിലെ 55 കളിയില്‍ 32 ഗോളുമടിച്ചു. ലോകകപ്പില്‍ അര്‍ജന്റീനയെ കിരീട ജേതാക്കളായ മെസി, ഏഴ് ഗോളടിച്ച് മികച്ച താരത്തിനുള്ള പുരസ്‌കാരവും നേടിയിരുന്നു. കഴിഞ്ഞവര്‍ഷത്തെ ഫിഫ ദി ബെസ്റ്റ് പുരസ്‌കാരവും മെസിക്കായിരുന്നു.അതേസമയം അവസാന സീസണില്‍ 52 ഗോളടിച്ച ഹാലണ്ടിന്റെ മികവിലാണ് മാഞ്ചസ്റ്റര്‍ സിറ്റി ട്രെബിള്‍ കിരീടം നേടിയത്.

🚨Watch: They did it, they gave him the standing ovation. Lionel Messi leaves Europe as the king of Football 👑🐐✅

Emotional moment for all Messi fans 🥹#Messi #BallonDor #InterMiamiCF pic.twitter.com/MP9axDObxO

— Inter Miami FC Hub (@Intermiamicfhub) October 30, 2023

“>

“𝐌𝐞𝐬𝐬𝐢 𝐢𝐬 𝐢𝐧𝐟𝐢𝐧𝐢𝐭𝐲”#BallonDor #Messi pic.twitter.com/tP3DMYjczV

— 𝐀𝐧𝐮𝐩✨ ₛₕᵢᵥ (@StanAnupp) October 30, 2023

“>