മുംബൈ: വന്ദേഭാരതിന്റെ ചിലവ് കുറഞ്ഞ മോഡലായ വന്ദേ സാധാരൺ എക്സ്പ്രസ് മുംബൈയിലെത്തിച്ചു. പരീക്ഷണയോട്ടത്തിനു ശേഷം മുംബൈ – ഡൽഹി പാതയിൽ ഇതു സ്ഥിര സർവ്വീസായി ഓടിക്കാനാണ് സാധ്യത. ടിക്കറ്റ് നിരക്ക് വന്ദേഭാരതിനെ അപേക്ഷിച്ച് വളരെ കുറവായിരിക്കും. കൂടാതെ,130 കിലോമീറ്റർ വേഗത്തിലാണ് ട്രെയിൻ സഞ്ചരിക്കുകയെന്നും റെയിൽവേ വൃത്തങ്ങൾ പറഞ്ഞു. .
സാധാരണക്കാർക്ക് കുറഞ്ഞ നിരക്കിൽ ദീർഘ ദൂര യാത്ര സാദ്ധ്യമാക്കുക എന്നതാണ് വന്ദേ സാധാരൺ എക്സ്പ്രസിലൂടെ ലക്ഷ്യം വെക്കുന്നത്. 22 കോച്ചുകളിലായി 1,834 പേർക്കാണ് ഒരേ സമയം യാത്ര ചെയ്യാൻ സാധിക്കുന്നത്. മണിക്കൂറിൽ 130 കിലോമീറ്റർ വേഗതയിലാകും ട്രെയിൻ സഞ്ചരിക്കുക.സ്ലീപ്പർ കോച്ചുകളിൽ കൂടുതൽ സ്ഥലസൗകര്യമുണ്ടാകും. ഓറഞ്ച്, സിൽവർ എന്നിവ ചേർത്തുള്ള നിറമാണ് ട്രെയിനിനു നൽകിയിരിക്കുന്നത്.
വന്ദേ സാധാരൺ പുഷ്-പുൾ എക്സ്പ്രസ് കേരളത്തിൽ എറണാകുളം-ഗുവാഹട്ടി റൂട്ടിലാകും സർവീസ് നടത്തുക. വന്ദേ സാധാരണിന്റെ ആദ്യ റേക്ക് ഉടൻ തന്നെ കേരളത്തിലേക്ക് എത്തും. ചെലവ് കുറഞ്ഞ യാത്രാ സേവനം നൽകുന്നു എന്നതാണ് വന്ദേ സാധാരണിന്റെ പ്രത്യേകത.
