ചുരുങ്ങിയ കാലം കൊണ്ട് മലയാളി പ്രേക്ഷകരുടെ മനസിൽ ഇടം നേടിയ താരങ്ങളാണ് കല്യാണി പ്രിയദർശനും പ്രണവ് മോഹൻലാലും. മോഹൻലാലിന്റെയും പ്രിയദർശന്റെയും മക്കൾ എന്നതിനപ്പുറം മലയാള സിനിമാ ലേകത്ത് തന്റേതായ ഇടം നേടാൻ ഇരുവർക്കും സാധിച്ചിട്ടുണ്ട്. എന്നാൽ ഇരുവരും വിവാഹം കഴിക്കാൻ പോകുകയാണെന്നുള്ള വാർത്തകൾ അടുത്തിടെ സാമൂഹ്യമാദ്ധ്യമങ്ങളിൽ വലിയ തോതിൽ പ്രചരിച്ചിരുന്നു. ഇന്നിതാ ആ ഗോസിപ്പുകളെ കുറിച്ച് തുറന്നു പറയുകയാണ് ശ്രദ്ധേയമാകുന്നത്.
ഞങ്ങളെ കുറിച്ചുള്ള പരദൂഷണങ്ങൾ ഞാൻ ശ്രദ്ധിക്കാറുണ്ട്. അതെല്ലാം കേൾക്കുമ്പോൾ ചിരിയാണ് തോന്നാറുള്ളത്. എന്നെ കുറിച്ചും പ്രണവിനെ കുറിച്ചും ഞാൻ കേട്ടതെല്ലാം എന്നെ ഒരുപാട് ചിരിപ്പിച്ച ഗോസിപ്പുകളായിരുന്നു. ഈ ഗോസിപ്പുകളെ കുറിച്ച് ഞങ്ങളുടെ കുടുംബത്തിനുമറിയാം. ഞങ്ങളെല്ലാവരും അത് കേട്ട് ചിരിക്കും അത്രേയുള്ളൂ.
എനിക്ക് പ്രണവിന്റെ കൂടെ അഭിനയിക്കാൻ ഇഷ്ടമാണ്. ഹൃദയത്തിൽ ഞങ്ങൾ തമ്മിൽ നല്ല കെമിസ്ട്രി ഉണ്ടായിരുന്നു. അതിന് കാരണം ഞങ്ങളുടെ സൗഹൃദമാണ്. ഞങ്ങൾ ഒന്നിച്ചെത്തുന്നത് പ്രേക്ഷകരും ഇഷ്ടപ്പെടുന്നുണ്ടെന്നാണ് എനിക്ക് തോന്നുന്നത്. സിനിമയിൽ വരുന്നതിന് മുമ്പാണെങ്കിലും ശേഷമാണെങ്കിലും പ്രണവിനെ നേരിട്ട് കാണുകയെന്നത് കുറച്ച് പ്രയാസമുള്ള കാര്യമാണ്. അവസാനമായി പ്രണവിനെ കണ്ടത് ന്യൂഇയറിനാണെന്നും കല്യാണി പറയുന്നു.
