ആൻഡ്രോയിഡ് സ്മാർട്ട്‌ഫോണുകളും ഐഫോൺ സീരിസുകളും തമ്മിലുള്ള ഏറ്റുമുട്ടലിൽ ആരാണ് കേമൻ എന്ന ചോദ്യം ബാക്കിയാക്കിയാണ് സാംസങ് S23-അൾട്രാ വിപണിയിൽ അവതരിപ്പിച്ചത്. വിലയിൽ ഐഫോണുകളോടൊപ്പം കിടപിടിക്കുന്ന സാംസങ് S23-അൾട്രാ ഇപ്പോൾ ആമസോൺ പ്ലാറ്റ്‌ഫോമുകളിൽ 1 ലക്ഷം രൂപയ്‌ക്ക് വിൽക്കുന്നു എന്ന വാർത്തയാണ് പുറത്തുവരുന്നത്. കറുപ്പ്, ക്രീം, പച്ച എന്നീ മൂന്ന് നിറങ്ങളിൽ ഈ ഫോൺ നിങ്ങൾക്ക് ലഭ്യമാകും. ആമസോണിൽ നിന്ന് വാങ്ങുന്നവർക്ക് മികച്ച ഓഫറുകളിൽ ഈ ഫോൺ വാങ്ങാം. ക്യാമറ, ഡിസ്‌പ്ലേ, പ്രൊസസർ, തുടങ്ങിയവയുടെ സവിശേഷതകൾ കൊണ്ട് സ്മാർട്ട്‌ഫോൺ പ്രേമികൾക്ക് തിരഞ്ഞെടുക്കാവുന്ന നല്ലൊരു ഫോണാണിത്. ഈ സ്മാർട്ട്‌ഫോൺ വാങ്ങാനുള്ള നാല് കാരണങ്ങളും വാങ്ങാതിരിക്കാനുള്ള ഒരു കാരണവും ഇവയാണ്.
സാംസങ് S23-അൾട്രാ ക്യാമറ സവിശേഷതകൾ
ഫോൺ വിപണിയിൽ ലോഞ്ച് ചെയ്ത് ഏകദേശം 9 മാസങ്ങൾ പിന്നീടുമ്പോഴും ഇതിന്റെ ക്യാമറ സംവിധാനങ്ങൾ മികച്ചതായി തന്നെ നിൽക്കുന്നു. 200 മെഗാപിക്‌സൽ പ്രൈമറി സെൻസർ, 12 മെഗാപിക്‌സൽ അൾട്രാവൈഡ് സെൻസർ, 3X ഒപ്റ്റിക്കൽ സൂം ഉള്ള 10 മെഗാപിക്‌സൽ ടെലിഫോട്ടോ സെൻസർ, 10X ഒപിറ്റിക്കൽ സൂം, 100X ഡിജിറ്റൽ സൂം തുടങ്ങിയവയാണ് ഫോണിന്റെ ക്യാമറാ സവിശേഷതകളായി വരുന്നത്. മങ്ങിയ പ്രകാശത്തിലും നല്ല വ്യക്തതയോടെ ഫോട്ടോകളും വീഡിയോകളും ഈ ക്യാമറകളിൽ എടുക്കാൻ സാധിക്കുന്നു.
ഡിസ്‌പ്ലേ സവിശേഷതകൾ
120Hz റിഫ്രഷ് റേറ്റോടുകൂടിയ അമോലെഡ് ഡിസ്‌പ്ലേയാണ് ഈ സ്മാർട്ട്‌ഫോണിന്റെ പ്രത്യേകത. 6.8 ഇഞ്ച് ഡിസ്‌പ്ലേയുള്ളതിനാൽ വീഡിയോകൾ കാണുന്നതിനും ഗെയിമുകൾ കളിക്കുന്നതിനും സൗകര്യപ്രദമാണ് ഈ ഡിവൈസ്. സ്‌നാപ്ഡ്രാഗൺ 8 ജെൻ 3 പ്രോസസറാണ് ഫോണിൽ വരുന്നത്. ഇത് ഡിവൈസ് സുഖമായി പ്രവർത്തിക്കുന്നതിന് സഹായകമാകുന്നു.
എസ് പെൻ ( S Pen stylus):
സാംസങ് S23- അൾട്രാ സ്മാർട്ട്‌ഫോണിന്റെ ഏറ്റവും വലിയ പ്രത്യേകതയാണ് എസ് പെൻ സ്‌റ്റൈലസ്. എഴുതാനും, ഫോൺ നാവിഗേഷൻ ചെയ്യാനും സഹായിക്കുന്നതിനുൾപ്പെടെ നിരവധി കാര്യങ്ങൾക്ക് എസ് പെൻ ഉപയോഗപ്രദമാണ്. ടെക്സ്റ്റ് വിവർത്തനം ചെയ്യാനും സ്‌ക്രീൻഷോട്ടുകൾ വ്യാഖ്യാനം ചെയ്യാനും ഇത് സഹായകരമാണ്.
വാങ്ങാതിരിക്കാനുള്ള ഒരു കാരണം ഇനി പറയുന്നത്.
സാംസങ് S24-അൾട്രോ വിപണിയിലേക്ക്..
കുറച്ചു മാസങ്ങൾ കൂടി കഴിഞ്ഞാൽ സാംസങ് S24-അൾട്രാ പുറത്തിറങ്ങുമെന്നാണ് പുറത്തുവരുന്ന മറ്റൊരു വിവരം. ഇത് എസ്23 അൽട്രായേക്കാൾ മികച്ചതായിരിക്കുമെന്നും വാർത്തകളുണ്ട്. മികച്ച ഫാസ്റ്റ് ചാർജ് സംവിധാനങ്ങളോടെയായിരിക്കും ഈ ഫോൺ വിപണിയിലിറങ്ങുക. നല്ലൊരു സ്മാർട്ട്‌ഫോൺ കാത്തിരിക്കുന്നവരാണ് നിങ്ങളെങ്കിൽ സാംസങ് S24-അൾട്രാ വിപണിയിലിറങ്ങിയതിനു ശേഷം വാങ്ങാവുന്നതാണ്.
