റീചാർജ് പ്ലാനുകളിൽ നിരവധി ഓഫറുകളാണ്
ബിഎസ്എൻഎൽ അവതരിപ്പിക്കാറുള്ളത്. കുറഞ്ഞ നിരക്കിൽ മികച്ച ആനുകൂല്യങ്ങളാണ് ബിഎസ്എൻഎൽ വാഗ്ദാനം ചെയ്യാറുള്ളത്. 4ജി വേഗതയിൽ ഇന്റർനെറ്റ് ലഭ്യമാകുന്നതിനാൽ തന്നെ ഇവ ഉപയോക്താക്കൾക്ക് മുമ്പത്തെക്കാൾ പ്രയോജനകരമായിട്ടുണ്ട്. എന്നാൽ പലപ്പോഴും ബിഎസ്എൻഎലിന്റെ ഇത്തരം ആനുകൂല്യങ്ങൾ ഉപയോക്താക്കൾ അറിയാറില്ല എന്നതാണ് വാസ്തവം.
ഒരു വിധം എല്ലാ ഉപയോക്താക്കൾക്കും 107 രൂപയുടെ പ്രീപെയ്ഡ് പ്ലാനിലെ ആനുകൂല്യങ്ങൾ സുപരിചിതമാണ്. എന്നാൽ ഇതിനൊപ്പമുള്ള മറ്റൊരു പ്ലാനിനെപ്പറ്റി വരിക്കാർക്ക് ധാരണയില്ല. വെറും ഒരു രൂപ കൂടി അധികം നൽകിയാൽ ലഭിക്കുന്നത് മികച്ച ഓഫറാണെന്നത് ഇന്നും ഉപയോക്താക്കൾക്ക് അറിയില്ല.
107 രൂപയുടെ പ്ലാൻ ബിഎസ്എൻഎൽ എൻട്രി ലെവൽ പ്ലാനാണ്. വാലിഡിറ്റിയും കോളിംഗ് ആനുകൂല്യങ്ങളും നേടാൻ ഏറ്റവും കുറഞ്ഞ നിരക്കാണിത്. 35 ദിവസമാണ് പ്ലാനിന്റെ വാലിഡിറ്റി. ഇതിൽ ആകെ 2ജിബി ഡാറ്റയാണ് ലഭ്യമാകുന്നത്. ഇതിനൊപ്പം തന്നെ 200 മിനിറ്റ് വോയിസ് കോളിംഗ് സംവിധാനവും ലഭ്യമാണ്. എന്നാൽ ഇതിൽ എസ്എംഎസ് സൗകര്യം ലഭ്യമല്ല. പ്രതിദിനം മൂന്ന് രൂപ മാത്രമാണ് ഇതിന് ചിലവ് വരുന്നത്.
108 രൂപയുടെ ബിസ്എൻഎൽ പ്ലാനിന് 28 ദിവസത്തെ വാലിഡിറ്റിയാണ് ഉള്ളത്. അൺലിമിറ്റഡ് വോയിസ് കോളിംഗ് ആണ് ഈ പ്ലാനിലൂടെ ലഭ്യമാകുക. ഇതിനൊപ്പം തന്നെ പ്രതിദിനം ഒരു ജിബി ഡാറ്റയും ലഭ്യമാകും. ഇതിൽ എസ്എംഎസ് സേവനം ലഭിക്കുന്നില്ല. ലോക്കൽ എസ്എംഎസിന് 80 പൈസയും നാഷണൽ എസ്എംഎസിന് 120 പൈസയുമാണ് നൽകേണ്ടി വരിക. ഇരു പ്ലാനുകളെയും അപേക്ഷിച്ച് പ്രതിദിനം ഡാറ്റ ലഭിക്കുന്നതിൽ ലാഭകരം 108 രൂപയുടെ പ്ലാൻ ആണ്. 108 രൂപയുടെ പ്ലാനിലൂടെ 28 ജിബി ഡാറ്റ ഉപയോഗിക്കാൻ സാധിക്കും.
