ഡെറാഡൂൺ: ശൈത്യകാലത്തെ വരവേൽക്കാരൊരുങ്ങി ബദരിനാഥ് ക്ഷേത്രം.നവംബർ 19 ന് ഉച്ചകഴിഞ്ഞ് 3.33-നാണ് ശൈത്യകാലത്തെ തുടർന്നാണ് ക്ഷേത്രം അടയ്ക്കുന്നത്. ഇതിന്റെ ഭാഗമായി ക്ഷേത്രവും പരിസരവും 15 ക്വിന്റൽ ജമന്തി പൂക്കൾകൊണ്ട് അലങ്കരിച്ചു.
ശൈത്യകാലത്ത് എല്ലാം വർഷവും ക്ഷേത്രം അടച്ചിടാറുണ്ട്. ദേവപ്രശ്നം നടത്തിയ ശേഷമാണ് തീയതി തീരുമാനിച്ചത്. എല്ലാവർഷവും ദസ്റാ ആഘോഷ ദിനത്തിലാണ് ക്ഷേത്രം അടയ്ക്കാനുള്ള തീയതി പ്രഖ്യാപിക്കുന്നത്. ശൈത്യകാലത്തിന് മുന്നോടിയായുള്ള ദീപാവലിയും ഭക്തർ ഗംഭീരമായാണ് ആഘോഷിച്ചത്. ദീപാവലി ആഘോഷിക്കാൻ രാജ്യത്തിനകത്തും പുറത്തും നിന്നുള്ള ഭക്തർ ബദരീനാഥ് ധാമിലെത്തിയിരുന്നു.
ഉത്തരാഖണ്ഡിൽ സ്ഥിതി ചെയ്യുന്ന വളരെ പ്രശസ്തമായ ക്ഷേത്രമാണ് ബദരിനാഥ്. മഹാവിഷ്ണുവാണ് ഇവിടുത്തെ പ്രധാന പ്രതിഷ്ഠ. ചാർധാം യാത്രയിൽ ഏറ്റവും പ്രധാന്യം അർഹിക്കുന്ന ക്ഷേത്രം കൂടിയാണ് ബദരിനാഥ്. എല്ലാവർഷവും ആറു മാസക്കാലം മാത്രമേ ക്ഷേത്രം തുറന്നു പ്രവർത്തിക്കൂ. ബാക്കിയുള്ള ആറു മാസം ക്ഷേത്രം മഞ്ഞു കൊണ്ട് മൂടിയിരിക്കും. ശൈത്യകാലത്ത് നടയടക്കുമ്പോൾ ദേവനെ കമ്പളി കൊണ്ട് മൂടും .ആറുമാസം ദേവൻമാരും ആറുമാസും മനുഷ്യരും ബദരിനാഥനെ പൂജ ചെയ്യുന്നുവെന്നാണ് വിശ്വാസം. സാധാരണ ഏപ്രിൽ മാസം മുതൽ നവംബർ വരെയാണ് ക്ഷേത്ര നട തുറക്കുന്നത്.