തിയറ്ററുകളിൽ വിജയക്കൊടി പാറിച്ച് മുന്നേറിക്കൊണ്ടിരിക്കുന്ന ബാന്ദ്രയിലെ പുതിയ ഗാനം പുറത്ത്. മുജേ പാലേ എന്ന ഐറ്റം ഗാനത്തിന്റെ വീഡിയോയാണ് അണിയറ പ്രവർത്തകർ ഇപ്പോൾ പുറത്തുവിട്ടിരിക്കുന്നത്. പവിത്ര ചാരി, സർഥക് കല്യാണി എന്നിവരാണ് ഗാനം ആലപിച്ചിരിക്കുന്നത്. സായ് ആനന്ദ് രചിച്ച ഗാനത്തിന് സാം സി.എസ്സാണ് ഈണം പകർന്നിരിക്കുന്നത്.
രണ്ടാം വാരവും ബാന്ദ്ര നിറഞ്ഞ സദസിൽ പ്രദർശനം തുടരുകയാണ്. ദിലീപ് അരുൺ ഗോപി കൂട്ടുകെട്ടിൽ എത്തിയ പുതിയ ചിത്രം ആരാധകരും കുടുംബ പ്രേക്ഷകരും ആവേശത്തോടെയാണ് ഏറ്റെടുത്തിരിക്കുന്നത്. ആക്ഷനും ഇമോഷനും പ്രാധാന്യം നൽകി ഒരുക്കിയ ചിത്രം പ്രേക്ഷകർക്ക് മികച്ചൊരു ചലച്ചിത്രാനുഭവമാണ് സമ്മാനിച്ചത്.
രാമ ലീല എന്ന ചിത്രത്തിന് ശേഷം ദിലീപ് നായകനായി എത്തുന്ന അരുൺ ഗോപി ചിത്രമാണ് ബാന്ദ്ര. തമന്നയുടെ ആദ്യ മലയാള ചിത്രം കൂടിയാണ് ബാന്ദ്ര. ദിനോ മോറിയ, ലെന, രാജ്വീർ അങ്കൂർ സിംഗ്, ധാരാ സിംഗ് ഖുറാന, അമിത് തിവാരിദിനോ മോറിയ, ലെന, രാജ്വീർ അങ്കൂർ സിംഗ്, ധാരാ സിംഗ് ഖുറാന, അമിത് തിവാരി, മംമ്ത തുടങ്ങിയ താരങ്ങൾ ചിത്രത്തിൽ അണിനിരക്കുന്നുണ്ട്.
ഉദയ കൃഷ്ണ തിരക്കഥ ഒരുക്കുന്ന ചിത്രത്തിന്റെ നിർമ്മാണം വിനായക അജിത്ത് ആണ്. ദിലീപിന്റെ 147-ാം ചിത്രമാണ് ബാന്ദ്ര. ആക്ഷൻ രംഗങ്ങൾക്ക് ഏറെ പ്രാധാന്യമുള്ള ചിത്രത്തിൽ സംഘട്ടനങ്ങൾ ഒരുക്കുന്നത് അൻപ്അറിവ്, ഫിനിക്സ് പ്രഭു, മാഫിയ ശശി എന്നിവരാണ്.
