സഹാറന്പൂര്: പള്ളിയിലെത്തി നമസ്കരിച്ച ശേഷം അതേപള്ളിയില് തന്നെ തൂങ്ങിമരിച്ച് യുവാവ്. ഉത്തര്പ്രദേശിലെ സഹരന്പൂരിലാണ് 26-കാരനായ യുവാവ് ജീവനൊടുക്കിയത്. ഷംലി സ്വദേശിയായ അമീറാണ് മരിച്ചതെന്ന് അധികൃതര് സ്ഥിരീകരിച്ചു. ജീവനൊടുക്കുന്ന ദൃശ്യങ്ങള് പള്ളിയില് സ്ഥാപിച്ച സി.സി.ടി.വിയില് റെക്കോര്ഡ് ആയിട്ടുണ്ട്. സംഭവം അറിഞ്ഞയുടനെ പോലീസ് സംഭവസ്ഥലത്തെത്തി നടപടികള് സ്വീകരിച്ചു.
തിങ്കളാഴ്ച രാവിലെ ഖുറേഷിയാന് പ്രദേശത്തെ പള്ളിയില് എത്തിയ ആമിര് ആത്മഹത്യ ചെയ്തുവെന്ന് മുതിര്ന്ന പോലീസ് ഉദ്യോഗസ്ഥന് പറഞ്ഞു. ‘ഖാന്പൂര് ഗുര്ജറിലെ സഹോദരനെ കാണാന് വന്ന ആമിര് ഇവിടെ താമസിച്ചു വരികയായിരുന്നു. പള്ളിയില് വന്ന് നമസ്കരിച്ചു.
തുടര്ന്ന് ഇവിടെയുണ്ടായിരുന്ന ഒരു ഏണിയുടെ കയര് അഴിച്ചെടുത്ത് ജീവനൊടുക്കുകയായിരുന്നു,” പോലീസ് ഉദ്യോഗസ്ഥന് പറഞ്ഞു.യുവാവിന്റെ മരണത്തിന് പിന്നിലെ കാരണം ഇതുവരെ വ്യക്തമായിട്ടില്ല. മൃതദേഹം പോസ്റ്റ്മോര്ട്ടത്തിനയച്ചു. യുവാവിന്റെ വീട്ടില് വിവരം അറിയിച്ചിട്ടുണ്ട്.