ഞാൻ അദ്ദേഹത്തോട് ഒരു കാര്യം പറഞ്ഞു; പക്ഷേ, രൺബീർ അത് കാര്യമാക്കിയില്ല: മഹേഷ് ബാബു

ഹൈദരാബാദിൽ ആരാധകർക്ക് ആവേശരാവ് സമ്മാനിച്ച് സൂപ്പർസ്റ്റാറുകൾ. തെലുങ്ക് സൂപ്പർസ്റ്റാർ മഹേഷ് ബാബുവും ബോളിവുഡ് സൂപ്പർസ്റ്റാർ രൺബീർ കപൂറുമാണ് ആരാധകർക്ക് മനോഹരമായ രാത്രി സമ്മാനിച്ചത്. രൺബീർ കപൂറിന്റെ ഏറ്റവും പുതിയ ചിത്രമായ ‘അനിമലിന്റെ’ പ്രമോഷൻ പരിപാടികളുടെ ഭാഗമായാണ് ഇരുവരും ഹൈദരാബാദിൽ ഒത്തുചേർന്നത്.

പ്രമോഷൻ വേദിയിൽ മാഹേഷ് ബാബുവും രൺബീറും ഒരുമിച്ചുള്ള വീഡിയോകളും ചിത്രങ്ങളും സമൂഹ മാദ്ധ്യമങ്ങളിൽ പ്രചരിക്കുന്നുണ്ട്. പ്രമോഷൻ വേദിയിൽ വച്ച് മഹേഷ് ബാബു പറഞ്ഞ വാക്കുകൾ ശ്രദ്ധേയമാവുകയാണ്.

“I have told him before when I met him but I dont think he took that seriously .
I am a Huge #RanbirKapoor Fan and in my opinion he is the best actor in India “-#MaheshBabu pic.twitter.com/PCVX2Rkb9i

— WordMinter (@SimonMinter7_) November 27, 2023

‘ രൺബീറിനെ കണ്ടപ്പോൾ തന്നെ ഞാൻ അദ്ദേഹത്തോട് ഒരു കാര്യം പറഞ്ഞു. പക്ഷേ അദ്ദേഹം അക്കാര്യം അത്ര കാര്യമാക്കിയില്ല എന്ന് എനിക്ക് തോന്നുന്നു. അതുകൊണ്ടാണ് ഈ അവസരത്തിൽ ഞാൻ പറയുന്നത് ഞാൻ ഒരു വലിയ രൺബീർ കപൂർ ആരാധകനാണെന്നാണ്. എന്റെ അഭിപ്രായത്തിൽ അദ്ദേഹം ഇന്ത്യയിലെ ഏറ്റവും മികച്ച നടനാണെന്ന് ഞാൻ കരുതുന്നു’. എന്നായിരുന്നു മഹേഷ് ബാബുവിന്റെ വാക്കുകൾ.

You were the first Superstar #MaheshBabu I ever met, I remember messaging him after watching Okkadu and he replied, and I cant thank you enough for Supporting sir, Jai Babu Jai Babu – Ranbir Kapoor#AnimalPreReleaseEvent pic.twitter.com/DB6UQHCvDp

— RKᴬ (@seeuatthemovie) November 27, 2023

ശേഷം വേദിയിൽ എത്തിയ രൺബീറും മഹേഷ് ബാബുവിനെ പ്രശംസിച്ചു. വേദിയിൽ രൺബീർ, മഹേഷ് ബാബുവിനെ ‘ജയ് ബാബു’ എന്നാണ് അഭിസംബോധന ചെയ്തത്. താൻ ആദ്യമായി നേരിൽ കാണുകയും സംസാരിക്കുകയും ചെയ്യുന്ന തെലുങ്ക് സൂപ്പർസ്റ്റാറാണ് മഹേഷ് ബാബു എന്ന് രൺബീർ പറഞ്ഞു. അദ്ദേഹം അഭിനയിച്ച ഒക്കഡു എന്ന ചിത്രം താൻ കണ്ടിരുന്നു. ശേഷം ചിത്രത്തിലെ അദ്ദേഹത്തിന്റെ പ്രകടനത്തെ അഭിനന്ദിച്ച് ഫോണിൽ മെസേജും ചെയ്തിരുന്നു. പ്രമോഷൻ വേദിയിലെത്തി വലിയ പിന്തുണ നൽകിയതിന് രൺബീർ, മഹേഷ് ബാബുവിന് നന്ദി അറിയിച്ചു.

Two heartthrobs of their respective industries 🔥#RanbirKapoor #MaheshBabu#AnimalPreReleaseEvent pic.twitter.com/3oMfsr0Nv0

— 𝐉𝐨𝐫𝐝𝐚𝐧 (@jordan10RK) November 27, 2023

പ്രമോഷൻ വേദിയിൽ നിന്നുള്ള ഇരുവരുടെയും ചിത്രങ്ങളും വീഡിയോകളും ഇതിനോടകം സമൂഹമാദ്ധ്യമങ്ങളിൽ പ്രചരിക്കുന്നുണ്ട്. ഇരുവരുടെയും ആരാധകർ എക്‌സ് അടക്കമുള്ള സമൂഹമാദ്ധ്യമങ്ങളിൽ പ്രമോഷൻ വേദിയിലെ രസകരമായ വീഡിയോകൾ പങ്കുവെച്ചു.

Two heartthrobs of their respective industries 🔥#RanbirKapoor #MaheshBabu#AnimalPreReleaseEvent pic.twitter.com/3oMfsr0Nv0

— 𝐉𝐨𝐫𝐝𝐚𝐧 (@jordan10RK) November 27, 2023

ഹൈദരാബാദിൽ നടന്ന പ്രമോഷൻ പരിപാടിയിൽ രൺബീർ കപൂറിനൊപ്പം ബോബി ഡിയോൾ, അനിൽ കപൂർ, രശ്മിക മന്ദാന തുടങ്ങിയ താരങ്ങൾ പങ്കെടുത്തു. ഇവർക്കൊപ്പം സംവിധായകനും നിർമ്മാതാവുമായ ഭൂഷൺ കുമാറും പങ്കെടുത്തു. സന്ദീപ് റെഡ്ഡി വംഗയാണ് അനിമലിന്റെ സംവിധായകൻ. ചിത്രത്തിൽ രശ്മിക മന്ദാന വളരെ ശ്രദ്ധേമായ വേഷം തന്നെയാണ് അവതരിപ്പിക്കുന്നത്.

രൺബീർ കപൂർ വളരെ പ്രതീക്ഷ നൽകുന്ന ചിത്രമാണ് അനിമൽ. വളരെ വ്യത്യസ്തമായ ഒരു കഥാപാത്രമാണ് രൺബീർ ചിത്രത്തിൽ കൈകാര്യം ചെയ്യുന്നത്. ഡിസംബർ ഒന്നിനാണ് ചിത്രം തിയറ്ററുകളിൽ എത്തുക. അനിമലിന്റെ പ്രമോഷൻ പരിപാടികൾ പുരോഗമിക്കുകയാണ്. ചിത്രത്തിന്റെ ടീസറും ട്രെയിലറും ഗാനങ്ങളുമെല്ലാം ആരാധകർ ഇതിനോടകം ഏറ്റെടുത്ത് കഴിഞ്ഞു.