ആരാധകരുടെ പ്രിയപ്പെട്ട തെന്നിന്ത്യൻ താരങ്ങളാണ് നിത്യ മേനോനും ജയം രവിയും. ഇരുവരും ആദ്യമായി ഒന്നിക്കുന്ന ചിത്രമാണ് കാതലിക്ക നേരമില്ലൈ. ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്ത് വിട്ടു. ചിത്രത്തിന്റെ അണിയറ പ്രവർത്തകരാണ് പോസ്റ്റർ പുറത്തുവിട്ടത്. കൃതിക സംവിധാനം ചെയ്യുന്ന ചിത്രം റെഡ് ജയന്റ് മൂവീസാണ് നിർമ്മിക്കുന്നത്. ഒരു റൊമാന്റിക് ഡ്രാമയായിട്ടായിരിക്കും ചിത്രം ഒരുങ്ങുന്നത്.
View this post on Instagram
വൻ താരനിര തന്നെ ചിത്രത്തിൽ അണിനിരക്കുന്നുണ്ട്. യോഗി ബാബു, വിനയ് റായ്, ലാൽ, ജോൺ കൊക്കൻ, ടിജെ ഭാനു, ലക്ഷ്മി രാമകൃഷ്ണൻ, വിനോദിനി വൈദ്യനാഥൻ, മനോ തുടങ്ങിയവരും ചിത്രത്തിൽ കേന്ദ്രകഥാപാത്രങ്ങളാകും. എ ആർ റഹ്മാൻ ആണ് ചിത്രത്തിന്റെ സംഗീതം. ഛായാഗ്രഹണം നിർവ്വഹിക്കുന്നത് ഗാവെമിക് ആരിയാണ്. ലോറൻസ് കിഷോർ എഡിറ്റർ ആയിരിക്കും.
ധനുഷിനൊപ്പം തിരുചിത്രമ്പലമായിരുന്നു നിത്യമേനോൻ അവസാനമായി തമിഴിൽ അഭിനയിച്ചത്. ചിത്രം തെന്നിന്ത്യയിൽ സൂപ്പർ ഹിറ്റായിരുന്നു. ഇരൈവൻ, അഖിലൻ എന്നീ ചിത്രങ്ങളാണ് ജയം രവിയുടെതായി ഒടുവിൽ പുറത്തുവന്ന ചിത്രങ്ങൾ.