പലതരത്തിലുള്ള പനികൾ വർദ്ധിച്ചു വരുന്ന കാലമാണ്. ഡെങ്കിപ്പനി, എലിപ്പനി തുങ്ങി ഒട്ടനവധി പനികളാണ് പടർന്നു പിടിക്കുന്നത്. വൈറൽ പനികൾ മിക്കതും വളരെ പെട്ടന്നാണ് പിടിപെടുന്നത്. പനി മാറിയാലും ആളുകൾക്ക് വളരെയാധികം ക്ഷീണം അനുഭവപ്പെടാറുണ്ട്. എന്നാൽ പനി പിടിപെട്ടതിനു ശേഷം ഇത്തരം ഭക്ഷണങ്ങൾ കഴിക്കുന്നത് ക്ഷീണം അകറ്റാൻ സാധിക്കുന്നുവെന്ന് പഠനങ്ങൾ പറയുന്നു. അറിയാം..
മാതളം:
പനി മൂലം ഉണ്ടാകുന്ന ക്ഷീണം അകറ്റാൻ ഉത്തമമാണ് മാതളം. പ്രതിരോധ ശേഷി മെച്ചപ്പെടുത്തുന്നതിന് സഹായകരമാണ് മാതളം. മാതളം ജ്യൂസ് അടിച്ചു കുടിക്കുന്നതും മറ്റ് ഭക്ഷത്തിലുൾപ്പെടുത്തി കഴിക്കുന്നതും ശരീരത്തിന് നല്ലതാണ്.
കറിവേപ്പില
ധാരാളം വിറ്റാമിനുകൾ അടങ്ങിയ ഒരു ഇലയാണ് കറിവേപ്പില. ആന്റിഓക്സിഡന്റുകളാൽ സമ്പുഷ്ടമാണ് കറിവേപ്പിലകൾ. ഇവ കറിയിലുൾപ്പെടുത്തി കഴിക്കുന്നത് ശരീരത്തിന് ഊർജ്ജം ലഭിക്കാനും സഹായിക്കുന്നു.
ഇഞ്ചി
ചായയിൽ ഇഞ്ചി ഇട്ട് കുടിക്കുന്നത് ശരീരത്തിന്റെ ക്ഷീണം അകറ്റുന്നതിന് സഹായിക്കുന്നു. ഇഞ്ചിയിലടങ്ങിയിരിക്കുന്ന വിറ്റാമിൻ സി പ്രതിരോധശേഷി വർദ്ധിപ്പിക്കാൻ സഹായിക്കുന്നു.
തൈര്
പനി മാറിയതിന് ശേഷം തൈര് കുടിക്കുന്നത് ശരീരത്തിന് ഉന്മേഷം നൽകുന്നതിന് സഹായകരമാണ്. ശരീരം തണുപ്പിക്കുന്നതിനും ആരോഗ്യം മെച്ചപ്പെടുത്തുന്നതിനും തൈര് കുടിക്കാം.
നേന്ത്രപ്പഴം
പനി വന്നുപോയാൽ പിന്നെ മിക്ക ആളുകളും അനുഭവിക്കുന്ന പ്രശ്നങ്ങളിലൊന്നാണ് ദഹന പ്രശ്നങ്ങൾ. നേന്ത്രപ്പഴത്തിൽ ധാരാളം നാരുകൾ അടങ്ങിയിട്ടുള്ളതിനാൽ ഇത് കഴിക്കുന്നത് ദഹനപ്രശ്നങ്ങൾ ഒഴിവാക്കുന്നതിനും ഊർജ്ജസ്വലതയോടെയിരിക്കാനും സഹായിക്കുന്നു.