ബെംഗളൂരു: ഇന്ത്യ- ഓസ്‌ട്രേലിയ ടി20 പരമ്പരയിലെ അവസാന മത്സരം ഇന്ന്. ബെംഗളൂരുവിലെ ചിന്ന സ്വാമി സ്റ്റേഡിയത്തിൽ രാത്രി ഏഴ് മണിക്കാണ് മത്സരം. വെള്ളിയാഴ്ച റായ്പൂരിൽ നടന്ന മത്സരം ജയിച്ചതോടെ ഇന്ത്യ 3-1 ന് പരമ്പര സ്വന്തമാക്കിയിരുന്നു. പരമ്പര അവസാന മത്സരത്തിലെ ജയത്തോടെ അവാസാനിപ്പിക്കാനാണ് സൂര്യ കുമാറും സംഘവും ഇറങ്ങുന്നത്. മത്സരം തത്സമയം സ്‌പോർട്‌സ് 18 ചാനലിലും ജിയോ സിനിമയിലും കാണാം. ടീം ഇന്ത്യയുടെ ഈ വർഷത്തെ അവസാന ഹോം മത്സരമാണിത്.
പരമ്പര നേടിയതിലൂടെ സമ്മർദ്ദങ്ങളില്ലാതെയാണ് അവസാന ടി20ക്കായി ഇന്ത്യ ഇറങ്ങുക. വലിയ പരീക്ഷണങ്ങൾക്ക് മുതിരാതെയായിരിക്കും ഓസ്‌ട്രേലിയയും ഇറങ്ങുക. അക്‌സർ പട്ടേൽ, രവി ബിഷ്‌ണോയി എന്നിവരിലൊരാളെ മാറ്റി സ്പിൻ ഓൾ റൗണ്ടർ വാഷിംഗ്ടൺ സുന്ദറിന് ഇന്ത്യ അവസരം നൽകാൻ സാധ്യതയുണ്ട്.
