കത്തിയെരിയുന്ന വീട്ടില്‍ നിന്ന് അമ്മയെ ഉപേക്ഷിച്ച് രക്ഷപ്പെടാന്‍ തയാറായില്ല;മാതാവിനൊപ്പം മകനും ദാരുണാന്ത്യം

ഹൃദയം നടുങ്ങുന്ന വേദനയുടെ ഒരു വാര്‍ത്തയാണ് മുംബൈയില്‍ നിന്ന് പുറത്തുവരുന്നത്. കത്തിയെരിയുന്ന വീട്ടില്‍ നിന്ന് കിടപ്പിലായ അമ്മയെ ഉപേക്ഷിച്ച് രക്ഷപ്പെടാന്‍ തയാറാകാതിരുന്ന മകനും അമ്മയും തീപിടിത്തത്തില്‍ ദാരുണമായി മരിച്ചു. ചൗപട്ടിക്ക് സമീപം ഗിര്‍ഗോണിലെ നാലുനില കെട്ടിടത്തിലാണ് കഴിഞ്ഞ ദിവസം തീപിടിത്തമുണ്ടായത്. 60-കാരനായ ഹിരേണും അമ്മ നളിനിയും(82) ആണ് മരിച്ചത്. രാത്രി പത്തോടെയാണ് തീപിടിത്തമുണ്ടായത്. ഷോട്ട് സര്‍ക്യൂട്ടാണ് കാരണമെന്നാണ് പ്രാഥമിക നിഗമനം. കെട്ടിടത്തില്‍ 12 ഫ്‌ളാറ്റുകളാണ് ഉണ്ടായിരുന്നത്. മൂന്നാം നിലയില്‍ നിന്ന് ചിലര്‍ ജനാല വഴി രക്ഷപ്പെട്ടെങ്കിലും

ഹിരേണിനോട് രക്ഷപ്പെടാന്‍ ആവശ്യപ്പെട്ടെങ്കിലും 60-കാരന്‍ തയാറായില്ല. അമ്മയെ അടുത്തിടെയാണ് ആശുപത്രിയില്‍ നിന്ന് ഡിസ്ചാര്‍ജ് ചെയ്ത് വീട്ടിലെത്തിച്ചിരുന്നത്. കിടപ്പിലായിരുന്ന അവരെ ഉപേക്ഷിച്ച് രക്ഷപ്പെടാന്‍ തയാറാകാതിരുന്ന മകനും മാതാവും വെന്തുമരിക്കുകയായിരുന്നു. തടികളില്‍ നിര്‍മ്മിച്ച കോണിപ്പടിയിലാണ് ആദ്യം തീപിടിത്തമുണ്ടായത്. പുലര്‍ച്ചെ 3.35 ഓടെയാണ് തീകെടുത്താനായത്. 12-ഓടെ പൊള്ളലേറ്റ ഇരുവരെയും ആശുപത്രിയിലെത്തിച്ചെങ്കിലും മരിച്ചു. എട്ട് ഫയര്‍ എന്‍ജിനും 6 ടാങ്കറുകളുമാണ് രക്ഷാപ്രവര്‍ത്തനത്തിനെത്തിയത്. കെട്ടിടത്തില്‍ തീപിടിത്തം നിയന്ത്രിക്കാനുള്ള ഉപകരണങ്ങള്‍ ഒന്നുമുണ്ടായിരുന്നില്ല.