ഇന്ത്യന് പേസര് ജസ്പ്രീത് ബുമ്രയ്ക്ക് ഉപദേശവുമായി 2020-ലെ ഒളിമ്പിക്സ് സ്വര്ണ മെഡല് ജോതാവ് നീരജ് ചോപ്ര. പേസറുടെ വേഗം കൂട്ടാനുള്ള ഉപദേശമാണ് ജാവലിന് ത്രോ താരം നല്കിയത്. ലോകകപ്പ് ഫൈനല് കാണാന് നീരജും അഹമ്മദാബാദിലെത്തിയിരുന്നു.
ആദ്യമായാണ് താന് ഒരു ക്രിക്കറ്റ് മത്സരം മുഴുവന് കാണുന്നതെന്നും അദ്ദേഹം തുറന്നുപറഞ്ഞിരുന്നു. ഇന്ത്യയുടെ മുന്നിര ബൗളര്ക്ക് എങ്ങനെ വേഗം വര്ദ്ധിപ്പിക്കാമെന്ന് ടിപ്സ് കൊടുക്കുകയാണ് താരമിപ്പോള് ചെയ്തത്. തന്റെ ഇഷ്ട ബൗളറാണ് ബുമ്രയെന്നും അദ്ദേഹം പറയുന്നു.
‘എനിക്ക് ബുമ്രയെ ഇഷ്ടമാണ്. അദ്ദേഹത്തിന്റെ ആക്ഷന് വളരെ സ്പെഷ്യലാണ്. റണ്ണപ്പ് കൂട്ടാന് തയാറായാല് അദ്ദേഹത്തിന്റെ വേഗത കുറച്ചുകൂടി വര്ദ്ധിപ്പിക്കാനാകും. ഞങ്ങള് നേരത്തെ ഇതിനെക്കുറിച്ച് സംസാരിച്ചിട്ടുണ്ട്. അദ്ദേഹത്തിന്റെ സ്റ്റൈലിന്റെയും ആരാധകനാണ് ഞാന്”- നീരജ് പറഞ്ഞു.
