കൊച്ചി : ഫാറൂഖ് കോളേജിൽ ഉദ്ഘാടനകനായി വിളിച്ച ശേഷം പരിപാടി ക്യാൻസൽ ചെയ്ത് തന്നെ അപമാനിച്ചെന്ന സംവിധായകൻ ജിയോ ബേബിയെ പ്രസ്താവനയെ പരിഹസിച്ച് രാഷ്ട്രീയ നിരീക്ഷൻ ശ്രീജിത്ത് പണിക്കർ.
ചായയ്ക്കു പകരം അഴുക്കുവെള്ളം കൊടുത്ത് അയ്യപ്പന്മാരെ അപമാനിക്കുന്നത് വരെ ധാർമ്മിക മൂല്യമായി കരുതപ്പെടുന്ന കാലമാണ്. എന്തായാലും അങ്ങനെയുള്ള ദുരവസ്ഥയൊന്നും ഉണ്ടായില്ലല്ലോയെന്നാണ് ശ്രീജിത്ത് പണിക്കർ ചോദിക്കുന്നത് .
‘ ഉദ്ഘാടനത്തിന് ക്ഷണിച്ചശേഷം ധാർമ്മിക മൂല്യങ്ങളുടെ പേരിൽ ചടങ്ങ് റദ്ദാക്കി തന്നെ അപമാനിച്ചെന്ന് സംവിധായകൻ ജിയോ ബേബി. സമാധാനിക്ക് ചേട്ടാ. ശബരിമലയ്ക്കുള്ള കെട്ടുനിറയ്ക്കലിന് ക്ഷണിച്ച ശേഷം ചായയ്ക്കു പകരം അഴുക്കുവെള്ളം കൊടുത്ത് അയ്യപ്പന്മാരെ അപമാനിക്കുന്നത് വരെ ധാർമ്മിക മൂല്യമായി കരുതപ്പെടുന്ന കാലമാണ്. എന്തായാലും അങ്ങനെയുള്ള ദുരവസ്ഥയൊന്നും ഉണ്ടായില്ലല്ലോ. ചേട്ടൻ ആശ്വസിച്ചാട്ടെ! ‘ – ഇങ്ങനെയാണ് ശ്രീജിത്ത് പണിക്കരുടെ ഫേസ്ബുക്ക് പോസ്റ്റ് .
ജിയോ ബേബി സംവിധാനം ചെയ്ത ഗ്രേറ്റ് ഇന്ത്യ കിച്ചൻ എന്ന ചിത്രത്തിലെ അയ്യപ്പന്മാരെ അപമാനിക്കുന്ന സീൻ ചൂണ്ടിക്കാട്ടിയാണ് ശ്രീജിത്ത് പണിക്കരുടെ പരിഹാസം.
