പിറന്നാൾ ദിനത്തിൽ ജയറാമിന് ആശംസകൾ നേർന്ന് മകൻ കാളിദാസ്. സമൂഹമാദ്ധ്യമത്തിലൂടെയാണ് കാളിദാസ് ആശംസകൾ നേർന്നത്. ഹാപ്പി ബർത്ത്ഡേ അപ്പാ എന്ന അടിക്കുറിപ്പോടെയാണ് ജയറാമിനൊപ്പമുള്ള ചിത്രം പങ്കുവച്ചുകൊണ്ട് കാളിദാസ് ഇൻസ്റ്റഗ്രാമിൽ കുറിച്ചത്. നിരവധി പേരാണ് ജയറാമിന് ആശംസകൾ അറിയിച്ച് സമൂഹമാദ്ധ്യമങ്ങളിൽ പ്രത്യക്ഷപ്പെട്ടത്. പ്രിയ ജയറാമിന് ജന്മദിനാശംസകൾ നേരുന്നെന്നും നല്ലൊരു വർഷമായിരിക്കട്ടെയെന്നുമാണ് ആശംസകൾ അറിയിച്ചുകൊണ്ട് മമ്മൂട്ടി എക്സിൽ കുറിച്ചത്.
മലയാളികളുടെ പ്രിയ താരങ്ങളാണ് ജയറാം-പാർവതി ദമ്പതികൾ. ഈ താരകുടുംബത്തിന് സമൂഹമാദ്ധ്യമ ലോകത്ത് ആരാധകർ ഏറെയാണ്. ഇവരുടെ ചിത്രങ്ങളും വീഡിയോകളും സമൂഹമാദ്ധ്യമത്തിൽ എപ്പോഴും ശ്രദ്ധേയമാകാറുണ്ട്. അടുത്തിടെ നടന്ന കാളിദാസിന്റെയും മാളവികയുടെയും വിവാഹനിശ്ചയ വാർത്തകളും ചിത്രങ്ങളും സമൂഹമാദ്ധ്യമങ്ങളിൽ തരംഗമായിരുന്നു.
രണ്ട് ദിവസം മുമ്പാണ് മകൾ മാളവികയുടെ വിവാഹ നിശ്ചയം നടന്നത്. യുകെയിൽ ചാർട്ടേഡ് അക്കൗണ്ടന്റായ നവനീത് ഗിരീഷാണ് മാളവികയുടെ വരൻ. വിവാഹ നിശ്ചയത്തിന്റെ ചിത്രങ്ങളും വീഡിയോയും ഇതിനോടകം തന്നെ സമൂഹമാദ്ധ്യമങ്ങളിൽ ശ്രദ്ധ നേടിക്കഴിഞ്ഞു.
‘തനിക്ക് ഒരു മകനെ കൂടി കിട്ടിയിരിക്കുന്നു’ എന്നാണ് ജയറാം മരുമകനെ പരിചയപ്പെടുത്തി കൊണ്ട് ഇൻസ്റ്റഗ്രാമിൽ കുറിച്ചത്. ഈ ജീവിതകാലം മുഴുവൻ ഈ സന്തോഷം നിലനിൽക്കട്ടെ’എന്നായിരുന്നു ചിത്രം പങ്കുവച്ച് ജയറാം കുറിച്ചത്. കഴിഞ്ഞ മാസമായിരുന്നു കാളിദാസന്റെയും തരുണിയുടെയും വിവാഹനിശ്ചയം.