മുംബൈ: കൽവ ശ്രീ വിഷ്ണു മഹേശ്വര അയ്യപ്പ ക്ഷേത്രത്തിലെ 33-മത് മണ്ഡല മകര വിളക്ക് മഹോത്സവം മുൻ വർഷങ്ങളിലേത് പോലെ തന്നെ ഈ വർഷവും നടക്കുകയാണ്. കൽവ നഗരത്തിൽ ശിവജി ഹോസ്പിറ്റലിനു അടുത്തായാണ് ക്ഷേത്രം സ്ഥിതി ചെയ്യുന്നത്. കൽവ കേന്ദ്രീകരിച്ച് കഴിഞ്ഞ 33 വർഷമായി പ്രവർത്തിച്ചു വരുന്ന മലയാളി കൂട്ടായ്മയുടെ ഒരു പ്രതീകം കൂടിയായ ‘ശ്രീ അയ്യപ്പ ഭക്ത സംഘത്തിന്റെ’ മേൽനോട്ടത്തിൽ ആണ് ഈ ക്ഷേത്രം പ്രവർത്തിക്കുന്നത്.
ഈ വർഷത്തെ മണ്ഡല-മകര വിളക്ക് മഹോത്സവം എല്ലാ വർഷത്തെയും പോലെ വൃശ്ചികം 1 ന് ആരംഭിച്ച് മകര വിളക്കുവരെ വിവിധ പൂജാവിധികളോടുകൂടി നടത്തക്കും. ഇന്ന് മഹിളാഭക്തർക്കായി മാത്രം പ്രത്യേക വിളക്ക് പൂജയും നടക്കും. നാളെ രുദ്രാഭിഷേകവും 17 ന് രാവിലെ 8 മണിക്ക് ലക്ഷാർച്ചനയും, ശാസ്താപ്രീതിയും ഉച്ചയ്‌ക്ക് 12.30 മുതൽ മഹാ പ്രസാദ വിതരണവും നടക്കും. 17 ന് വൈകിട്ട് വാദ്യമേളങ്ങളോടു കൂടി നഗരം ചുറ്റി താലപ്പൊലിയും എഴുന്നള്ളിപ്പും നടക്കും.
കൂടുതൽ വിവരങ്ങൾക്കായി ബന്ധപ്പെടുക
ജവ:8828829899, 8928050846, 8655865899
