അടുത്തകാലത്തായി പതിവായി വാർത്തകളിലിടം നേടുന്ന താരമാണ് നടൻ ബാല. ജീവിതത്തിലെ ഓരോ വിശേഷവും അദ്ദേഹം ആരാധകർക്ക് വേണ്ടി പങ്കുവയ്‌ക്കാറുണ്ട്. ഇത്തരത്തിൽ അദ്ദേഹം വ്യക്തമാക്കിയ ഒരു സംഭവമാണ് വീണ്ടും വലിയ ചർച്ചകൾക്ക് വഴിവച്ചിരക്കുന്നത്. തന്റെ വിവാഹ ജീവിതത്തിലുണ്ടായ താളപ്പിഴകളെക്കുറിച്ചു വിവാഹമോചനത്തിലേക്ക് എത്തിയ കാരണത്തെക്കുറിച്ചുമാണ് അദ്ദേഹം സോഷ്യൽ മീഡിയയിൽ വാചാലനായത്. ജന്മദിന ആഘോഷത്തിനിടെയായിരുന്നു തുറന്നുപറച്ചിൽ. ഡിവോഴ്‍സ് നേടിയപ്പോള്‍ നിയമപരമായിട്ടുള്ളതെല്ലാം കൊടുത്തുവെന്നും താരം വ്യക്തമാക്കുന്നു.
തനിക്കൊരു മകളാണുള്ളത്,മകനായിരുന്നു ഉണ്ടായിരുന്നതെങ്കിൽ ഞാൻ ഇങ്ങനെയായിരിക്കില്ല പ്രതികരിക്കുന്നത്. അവളുടെ ഭാവി ഓർത്തുമാത്രമാണ് വിവാഹജീവിതത്തിൽ സംഭവിച്ച കൂടുതൽ കാര്യങ്ങൾ വെളിപ്പെടുത്താത്തത്. വിവാഹബന്ധം വേർപ്പെടുത്താനുണ്ടായ കാരണത്തെക്കുറിച്ച് ഒരു മാദ്ധ്യപ്രവർത്തകന്റെ ചോദ്യത്തിനായിരുന്നു ബാലയുടെ മറുപടി.
‘മകളെന്ന് ഞാൻ ഒരു വീഡിയോ കോളിലെങ്കിലും കാണാൻ ആഗ്രഹിച്ചു. ദേഷ്യമുള്ളപ്പോഴും സങ്കടമുള്ളപ്പോഴും ഒരിക്കലും ഒരു വാര്‍ത്തയും സസാരിക്കരുത്. പക്ഷേ ഞാൻ ഇന്ന് പറയുന്നു. കാണാൻ പാടില്ലാത്ത കാഴ്ച കണ്ടുകാെണ്ടിരുന്നു. സ്വന്തം കണ്ണുകൊണ്ടു കാണുകയല്ല, അങ്ങനെയൊക്കെ ഉണ്ടോ എന്ന് ഓര്‍ത്ത് ഞെട്ടി.
കുട്ടികളും കുടുംബവുമാണ് പ്രാധാന്യമെന്നാണ് കരുതിയത്. അതു കണ്ടപ്പോള്‍ ഞാൻ തകര്‍ന്നു. എത്രവലിയ ബലശാലിയാണെങ്കിലും എല്ലാ തകർന്നെന്ന് മനസിലായപ്പോൾ ഒരുനിമിഷത്തിൽ ഞാൻ ഫ്രീസായി. ഇല്ലെങ്കില്‍ ആ മൂന്നുപേര്‍ രക്ഷപ്പെടില്ലായിരുന്നു. അതുകണ്ടപ്പോള്‍ ഞാൻ ഇല്ലാതായി. തീര്‍ച്ചയായും ദൈവം ശിക്ഷ കൊടുക്കും’- ബാല പറഞ്ഞു.
