പ്രശസ്ത ശിൽപിയും കർണാടക മൈസൂരു സ്വദേശിയുമായ അരുൺ യോഗിരാജ് ആണ് അയോദ്ധ്യയിലെ രാമക്ഷേത്രത്തിൽ പ്രതിഷ്ഠിക്കാനുള്ള രാംലല്ലയുടെ വിഗ്രഹം നിർമ്മിച്ചിരിക്കുന്നത്. കേന്ദ്രമന്ത്രി പ്രഹ്ലാദ് ജോഷിയാണ് യോഗിരാജ് അരുണിന്റെ വിഗ്രഹം തിരഞ്ഞെടുത്ത വിവരം പുറത്തുവിട്ടത്.
രാജ്യത്തെ തന്നെ പ്രശസ്തരായ മൂന്ന് ശിൽപ്പികളെയാണ് രാംലല്ലയുടെ വിഗ്രഹം കൊത്തിയെടുക്കാൻ തിരഞ്ഞെടുത്തിരുന്നത്. വിഗ്രഹത്തിൽ നോക്കുമ്പോൾ വൈവീകത അനുഭവപ്പെടണമെന്നതായിരുന്നു പ്രധാന വെല്ലുവിളിയെന്ന് അരുൺ യോഗിരാജ് പറയുന്നു. കുട്ടിയുടെ മുഖത്തിനൊപ്പം ദൈവീക ഭാവവവും മനസിൽ വെച്ച് ഏകദേശം ആറേഴു മാസമെടുത്താണ് വിഗ്രഹം കൊത്തിയെടുത്തതെന്ന് അദ്ദേഹം പറഞ്ഞു.
ഭാരതത്തിന്റെ യശസ് ഉയർത്തുന്ന രാമക്ഷേത്രത്തിന്റെ സുപ്രധാനയിടമായ ശ്രീകോവിലിൽ തന്റെ മകന്റെ കരവിരുതിലൊരുങ്ങിയ വിഗ്രഹം പ്രതിഷ്ഠിക്കുന്നത് എക്കാലവും അഭിമാനമാണെന്ന് അരുണ യോഗിരാജിന്റെ മാതാവ് സരസ്വതി പറയുന്നു. മകന്റെ വളർച്ചയും അവന്റെ വിജയവും കാണുന്നതിൽ സന്തോഷമുണ്ടെന്നും അമ്മ കൂട്ടിച്ചേർത്തു.
കഴിഞ്ഞ അഞ്ച് തലമുറകളായി ശിൽപികളാണ് അരുണിന്റെ കുടുംബം. അച്ഛൻ യോഗിരാജിലും മുത്തച്ഛൻ ബസാവന്ന ശിൽപിയിലും ആകൃഷ്ഠനായി നന്നേ ചെറുപ്പത്തിലെ കൊത്തുപ്പണിയിലേക്ക് തിരിഞ്ഞ വ്യക്തിയാണ് അരുൺ യോഗിരാജ്. എംബിഎ ബിരുദം പൂർത്തിയാക്കി ജോലിയിൽ പ്രവേശിച്ചെങ്കിലും ശിൽപ നിർമ്മാണത്തോടുള്ള അഭിനിവേശം കാരണം അരുൺ 2008-ൽ ശിൽപ്പനിർമാണത്തിലേക്ക് തിരിച്ചെത്തി. പിന്നാലെ ഭാരതത്തിന്റെ തിലകക്കുറിയായ നിരവധി ശിൽപങ്ങളാണ് അദ്ദേഹം കൊത്തിയെടുത്തത്.
Ambegalu benne Krishna stone sculpture work in progress, thought of sculpting detailed traditional ornaments to our benne Krishna… pic.twitter.com/lXj9SeOyKw
— Arun Yogiraj (@yogiraj_arun) March 4, 2023
ഇന്ത്യാ ഗേറ്റിന് സമീപമുള്ള അമർ ജവാൻ ജ്യോതിക്ക് പിന്നിൽ പ്രദർശിപ്പിച്ചിരിക്കുന്ന സുഭാഷ് ചന്ദ്രബോസിന്റെ 30 അടി പ്രതിമ ഉൾപ്പെടെയുള്ള ശ്രദ്ധേയമായ ശിൽപങ്ങൾക്ക് പിന്നിൽ പ്രവർത്തിച്ച വ്യക്തിയാണ് അദ്ദേഹം. കേദാർനാഥിലെ ആദിശങ്കരാചാര്യരുടെ 12 അടി ഉയരമുള്ള ശിൽപം, മൈസൂരിലെ 21 അടി ഉയരമുള്ള ഹനുമാൻ പ്രതിമ തുടങ്ങിയവ ശിൽപകലയുടെ ലോകത്തിന് അദ്ദേഹം നൽകിയ സംഭാവനകളിൽ ഉൾപ്പെടുന്നു.
Our traditional Nandi stone sculpture with athletic ornaments ….2.5 ft height pic.twitter.com/BXhGpEe7HI
— Arun Yogiraj (@yogiraj_arun) February 12, 2023
ഐക്യരാഷ്ട്രസഭയുടെ മുൻ സെക്രട്ടറി ജനറലായിരുന്ന കോഫി അന്നന്റെ വ്യക്തിപരമായ അഭിനന്ദനം ഉൾപ്പെടെ നിരവധി ബഹുമതികളാണ് അരുൺ യോഗിരാജിനെ തേടിയെത്തിയത്. ഇസ്രോയിലും അദ്ദേഹം നിർമ്മിച്ച ശിൽപം ഉയർന്ന് നിൽക്കുന്നു. കലയും ശാസ്ത്രവും പ്രതിഫലിപ്പിക്കുന്ന ശ്രീ യു.ആർ റാവുവിന്റെ വെങ്കല പ്രതിമയ്ക്ക് പിന്നിലും അരുൺ യോഗിരാജ് എന്ന പ്രശസ്തനാണ്.
കലയുടെയും ആത്മീയതയുടെയും സമന്വയമാണ് രാംലല്ലയിൽ ദർശിക്കാൻ കഴിയുന്നത്. ചരിത്രത്തിൽ മായാത്ത മുദ്ര പതിപ്പിക്കാൻ രാംലല്ല വിഗ്രഹത്തിന് സാധിക്കുമെന്നതിൽ സംശയമില്ല. ബാലരൂപത്തിലുള്ള ശ്രീരാമ വിഗ്രഹം ഭക്തിയുടെയും കരകൗശലത്തിന്റെയും കാലാതീതമായ പ്രതീകമായി മാറാൻ ഒരുങ്ങുകയാണ്.