റെഡ്മി നോട്ട് 13 പുറത്തിറക്കുന്നതിന് മുന്നോടിയായി സുപ്രധാന പ്രഖ്യാപനവുമായി ഷവോമി. 2024 ജനുവരിയിൽ തങ്ങളുടെ ഉൽപ്പന്നങ്ങൾക്കായി ഹെപ്പർഒഎസ് അവതരിപ്പിക്കാൻ ഒരുങ്ങുകയാണ് കമ്പനി. കമ്പനിയുടെ നിലവിലുള്ള MIUI സിസ്റ്റത്തിന് പകരമായാണ് OS സിസ്റ്റം അവതരിപ്പിക്കുന്നത്.
ഷവോമിയുടെ മുൻനിര മോഡലുകളായ ഷവോമി 13 പ്രോ, ഷവോമി പാഡ് 6 എന്നിവയിലും ഈ അപ്‌ഡേഷൻ ലഭിക്കും.
കമ്പനിയുടെ ഔദ്യോഗിക എക്‌സ് അക്കൗണ്ട് വഴിയാണ് ഇക്കാര്യം പുറത്ത് വിട്ടത്. മികച്ച പ്രകടനം കാഴ്ച വക്കുന്ന മനുഷ്യ കേന്ദ്രീകൃതമായ ഓപ്പറേറ്റിംഗ് സിസ്റ്റമാണ് ഹൈപ്പർ ഒഎസിൽ ഉള്ളത്. 2023 ഒക്ടോബറിലാണ് ചൈനയിലാണ് ഇത് ആദ്യമായി അവതരിപ്പിച്ചത്.
ആൻഡ്രോയിഡ് ഓപ്പൺ സോഴ്‌സ് പ്രൊജക്റ്റും ആൻഡ്രോയിഡ് 14-ഉം ഉൾപ്പെടുത്തി കൊണ്ടാണ് ഹൈപ്പർഒഎസ് നിർമ്മിച്ചിരിക്കുന്നത്. എഐ ഇന്റർഗ്രഷൻ, ക്രോസ്-ഡിവൈസ് കണക്റ്റിവിറ്റി, സുരക്ഷ, സ്വകാര്യത എന്നിവ മെച്ചപ്പെടുത്തിയ രീതിയിലാണ് പുതിയ ഒഎസിന്റെ രൂപകൽപ്പന.
ഷവോമി 13 അൾട്ര, ഷവോമി 13 പ്രോ, ഷവോമി 13T പ്രോ, ഷവോമി 13T, റെഡ്മി നോട്ട് 12, റെഡ്മി നോട്ട് 12S, ഷവോമി പാഡ് 6, പോക്കോ F5 എന്നിവയിലാണ് ഇന്ത്യയിൽ ഹൈപ്പർഒഎസ് ലഭ്യമാവുക.
