മലയാളികൾക്ക് എറെ പ്രിയങ്കരിയായ താരമാണ് നടി മീന. വേറിട്ട കഥാപാത്രങ്ങളിലൂടെ മലയാളികളുടെ മനസിൽ ഇടംനേടാൻ താരത്തിന് സാധിച്ചു. മലയാള സിനിമാ ലോകത്ത് ബാലതാരമായി വന്ന് ആരാധകരെ സൃഷ്ടിച്ച താരം തെന്നിന്ത്യയിലെ ഒട്ടുമിക്ക ഭാഷകളിലും അഭിനയിച്ചു. ഇന്നിതാ മലയാള സിനിമാ ലോകത്തേക്ക് വന്ന് 40 വർഷം പൂർത്തിയാക്കുന്നതിന്റെ സന്തോഷം പങ്കുവക്കുകയാണ് താരം. സമൂഹമാദ്ധ്യമങ്ങളിലൂടെ താരം ഇക്കാര്യം അറിയിച്ചത്.
1984-ലാണ് ഒരു ‘കൊച്ചു കഥ ആരും പറയാത്ത കഥ’ എന്ന സിനിമയില് ബാലതാരമായെത്തി മലയാള സിനിമയിൽ തുടക്കം കുറിച്ചത്. അതിന് ശേഷം മീന അഭിനയിച്ച സിനിമകൾക്ക് ആരാധകർ ഏറെയായി. മലയാളത്തിന്റെ മുൻനിര നായകന്മാരോടൊപ്പം നായികാ കഥാപാത്രങ്ങൾ ചെയതു. മമ്മൂട്ടി, മോഹൻലാൽ, ജയറാം, ശ്രീനിവാസൻ, സുരേഷ് ഗോപി തുടങ്ങിയവരോടൊപ്പം നായികാ വേഷത്തിലെത്തി മലയാളികളുടെ മനസിലേക്ക് ആഴ്ന്നിറങ്ങി.
40 വർഷമായി അമ്മയായും സഹോദരിയായും മലയാളികളുടെ ഇടയിൽ നിറസാന്നിധ്യമാണ് മീന. മോഹൻലാൽ ചിത്രം ബ്രോ ഡാഡിയിലൂടെയാണ് മീന വീണ്ടും മലയാള സിനിമയിലേക്ക് കടന്നുവരുന്നത്. ഈ വർഷം പുറത്തിറങ്ങുന്ന ആനന്ദപുരം ഡയറീസ് എന്ന ചിത്രത്തിലൂടെ വീണ്ടും മലയാളികളുടെ മുന്നിലെത്താൻ ഒരുങ്ങുകയാണ് താരം. കോളേജ് ക്യാമ്പസിന്റെ പശ്ചാത്തലത്തിലൊരുങ്ങുന്ന ചിത്രത്തിൽ തമിഴ് താരം ശ്രീ കാന്തും മനോജ് കെ ജയനുമാണ് കേന്ദ്ര കഥാപാത്രങ്ങളിലെത്തുന്നത്.
