രാജ്യമെമ്പാടും ആരവം മുഴക്കി മുന്നേറുകയാണ് പ്രഭാസ് ചിത്രം സലാർ. ഉത്തരേന്ത്യയിലടക്കം വലിയ സ്വീകാര്യതയാണ് ചിത്രത്തിന് ലഭിക്കുന്നത്. ഇന്ത്യയിലെ കളക്ഷനാണ് ഇപ്പോൾ പുറത്തുവന്നിരിക്കുന്നത്. 403.45 കോടിയിലധികമാണ് ചിത്രം സ്വന്തമാക്കിയത്.
120 കോടിക്കാണ് സലാർ ഒടിടി റൈറ്റ്സ് വിറ്റതെന്നാണ് പുറത്തുവരുന്ന വിവരം. ആഗോളതലത്തിൽ 700 കോടിയും കടന്ന് കുതിക്കുകയാണ് ചിത്രം. കെജിഎഫ് എന്ന ഹിറ്റ് സിനിമ പ്രേക്ഷകർക്ക് സമ്മാനിച്ച സംവിധായകൻ പ്രശാന്ത് നീൽ ചിത്രത്തെ ആരാധകർ ആവേശത്തോടെയാണ് സ്വീകരിച്ചത്. ഒരാഴ്ച കൊണ്ട് ബെംഗളൂരു സിറ്റിയില്‍ 6000 ഷോ എന്ന റെക്കോർഡും സലാര്‍ സ്വന്തമാക്കിയിരുന്നു.
രണ്ട് സുഹൃത്തുക്കളുടെ കഥയാണ് സലാർ പറയുന്നത്. ഇരുവരും എങ്ങനെ ശത്രുക്കളായി മാറുന്നു എന്നതിലേക്കാണ് സലാർ പാർട്ട് 1സീസ് ഫയർ. ആക്ഷൻ രംഗങ്ങൾ കൊണ്ടും ഇമോഷണൽ ഡ്രാമ കൊണ്ടും തീയേറ്ററുകളിൽ ആരാധകർക്കിടയിൽ ആവേശം സൃഷ്ടിച്ചിരിക്കുകയാണ് സലാർ. ശ്രുതി ഹാസൻ, ജഗപതി ബാബു,ബോബി സിംഹ, ടിന്നു ആനന്ദ്, ഈശ്വരി റാവു, ശ്രീയ റെഡ്ഡി, രാമചന്ദ്ര രാജു എന്നിവരും ചിത്രത്തിൽ പ്രധാന വേഷങ്ങളിലെത്തുന്നുണ്ട്.
