ശ്രീരാമന്റെ മണ്ണിൽ വീണ്ടും രാമക്ഷേത്രം ഉയർന്നിരിക്കുന്നു. ഭാരതത്തിലെ ഓരോ ഭക്തനും നാളെ നടക്കുന്ന പ്രാണ പ്രതിഷ്ഠാ ചടങ്ങിനായുള്ള കാത്തിരിപ്പിലാണ്. മണിക്കൂറുകൾ മാത്രം ഇനി ബാക്കിയാകുമ്പോൾ ജനങ്ങളുടെ സന്തോഷത്തിലും ആഘോഷങ്ങളിലും പങ്കുച്ചേർന്നിരിക്കുകയാണ് പ്രമുഖ ഡയറി ബ്രാൻഡായ അമുൽ.
അയോദ്ധ്യയിലെ ശ്രീരാമ ക്ഷേത്രത്തിനു മുന്നിൽ അമുൽ പെൺകുട്ടി നിൽക്കുന്ന ചിത്രമാണ് അമുൽ പങ്കുവച്ചിരിക്കുന്നത്. ശതകോടി ജനങ്ങൾ പ്രതീക്ഷയോടെ കാത്തിരുന്ന ക്ഷേത്രം ( temple of billion hopse) എന്ന വാചകത്തോടെയാണ് അമുൽ ചിത്രം പങ്കുവച്ചത്. അമുൽ ഇതിനെ സ്വാഗതം ചെയ്യുന്നുവെന്നും ചിത്രത്തിൽ എഴുതിയിട്ടുണ്ട്. സമൂഹ മാദ്ധ്യമമായ ഫേസ് ബുക്കിലൂടെയാണ് ബ്രാൻഡ് ചിത്രം പങ്കുവച്ചത്.
ഇതിനുമുമ്പും ശ്രീരാമ ജന്മഭൂമി പൂജാദിനത്തിലും അമുൽ രാമക്ഷേത്രത്തിന്റെയും അമുൽ പെൺകുട്ടിയുടെയും ചിത്രങ്ങൾ പങ്കുവച്ച് രംഗത്തെത്തിയിരുന്നു. രാമക്ഷേത്രത്തിനു മുന്നിൽ തൊഴുതു നിൽക്കുന്ന അമുൽ പെൺകുട്ടിയായിരുന്നു ചിത്രത്തിലുണ്ടായിരുന്നത്. ചിത്രം വൈറലായതോടെ നിരവധി വിശ്വാസികളാണ് ജയ് ശ്രീ റാം മുഴക്കി രംഗത്തെത്തിയത്.
