ഭുവനേശ്വർ: പ്രാണ പ്രതിഷ്ഠയ്ക്ക് മുന്നോടിയായി തീപ്പെട്ടി കമ്പിൽ രാമക്ഷേത്രത്തിന്റെ മാതൃക നിർമ്മിച്ച് ഒഡിഷ ശിൽപി. ശാശ്വത് രഞ്ജൻ എന്ന ശിൽപിയാണ് പുരിയിൽ രാമക്ഷേത്രത്തിന്റെ മാതൃക നിർമ്മിച്ചത്.
936 തീപ്പെട്ടി കമ്പുകളാണ് ഇതിനായി ഉപയോഗിച്ചത്. 14 ഇഞ്ച് നീളവും ഏഴ് ഇഞ്ച് വീതിയുമുള്ള രാമക്ഷേത്രത്തിന്റെ മാതൃക ആറ് ദിവസമെടുത്താണ് നിർമ്മിച്ചതെന്ന് ശാശ്വത് പറഞ്ഞു. ഇതിലും ചെറിയ മാതൃക ഇനി ആർക്കും നിർമ്മിക്കാൻ കഴിയില്ലെന്നാണ് താൻ കരുതുന്നതെന്നും അദ്ദേഹം പറഞ്ഞു. താൻ നിർമിച്ച രാമക്ഷേത്രത്തിന്റെ മാതൃക പ്രധാനമന്ത്രിക്ക് നൽകാൻ ആഗ്രഹിക്കുന്നതായും അദ്ദേഹം പറഞ്ഞു.
