നിർദ്ധരരായ വീട്ടമ്മമാർക്ക് എൽപിജി സിലിണ്ടർ സൗജന്യമായി ലഭിക്കുന്ന കേന്ദ്ര പദ്ധതിയാണ് പ്രധാനമന്ത്രി ഉജ്ജ്വല യോജന. പദ്ധതിയുടെ ഭാഗമായി സ്റ്റൗ ലഭിക്കുന്നതിന് തവണ വ്യവസ്ഥയിൽ ലോൺ നൽകും. കൂടാതെ പിന്നീടുള്ള ഗ്യാസ് സിലിണ്ടറുകൾ കുറഞ്ഞ വിലയ്ക്ക് ലഭിക്കുകയും ചെയ്യും. പൊതുവിപണിയിൽ ഗാർഹികാവശ്യത്തിനുള്ള സിലിണ്ടറിന് 900 രൂപയാണ് വിലയെങ്കിൽ, പദ്ധതി പ്രകാരം കണക്ഷൻ എടുത്തിട്ടുള്ളവർക്ക് ഏകദേശം 600 രൂപയ്ക്ക് സിലിണ്ടർ ലഭിക്കും.സ്ത്രീകളുടെ ജീവിതം പുക രഹിതമാക്കുക എന്നതാണ് പദ്ധതിയുടെ ലക്ഷ്യം.
യോഗ്യതാ മാനദണ്ഡങ്ങൾ
* അപേക്ഷക സ്ത്രീ ആയിരിക്കണം.
* അപേക്ഷകയുടെ പ്രായം 18 വയസിൽ കൂടുതലായിരിക്കണം.
* കുടുംബത്തിന്റെ വാർഷിക വരുമാനം ഗ്രാമപ്രദേശങ്ങളിൽ ഒരു ലക്ഷത്തിൽ താഴെയും നഗരപ്രദേശങ്ങളിൽ രണ്ട് ലക്ഷത്തിൽ താഴെയും ആയിരിക്കണം.
* അപേക്ഷകയുടെ കുടുംബത്തിന് ഇതിനകം എൽപിജി കണക്ഷൻ ഉണ്ടായിരിക്കരുത്.
ആവശ്യമായ രേഖകൾ
*ബിപിഎൽ സർട്ടിഫിക്കറ്റ്
* ബിപിഎൽ റേഷൻ കാർഡ്
* ഫോട്ടോ ഐഡി കാർഡ്
* പാസ്പോർട്ട് സൈസ് ഫോട്ടോ
സമീപ പാചക വാതക ഏജൻസി വഴിയോ ഓൺലൈൻ പോർട്ടലിലൂടെയോ അപേക്ഷ സമർപ്പിക്കാം.
ഔദ്യോഗിക വെബ്സൈറ്റ് – https://www(dot)pmuy(dot)gov(dot)in/
ടോൾ ഫ്രീ നമ്പർ- 1800 266 6696.