ബാങ്കിംഗ് സേവനം ഇതുവരെ ഉപയോഗിക്കാൻ തയ്യാറാകാത്ത സാധാരണക്കാർക്കും ഇത് ലഭ്യമാക്കുക എന്ന ലക്ഷ്യത്തൊടെ നരേന്ദ്രമോദി സർക്കാർ നടപ്പിലാക്കിയ പദ്ധതിയാണ് പ്രധാനമന്ത്രി ജൻധൻ യോജന. സിറോ ബാലൻസിൽ അതായത് പണമില്ലാതെ ബാങ്ക് അക്കൗണ്ട് ആരംഭിക്കാൻ പദ്ധതിയിലൂടെ കഴിയും.
പദ്ധതിയുടെ ഭാഗമായി ഒരു ലക്ഷം രൂപയുടെ അപകട ഇൻഷൂറൻസും, 30,000 രൂപയുടെ ജീവൻ ഭീമാ ഇൻഷൂറൻസും, റൂപയാ കാർഡും
മൊബൈൽ ബാങ്കിംഗ് സേവനവും ലഭിക്കും. സർക്കാർ സഹായങ്ങൾ ഈ അക്കൗണ്ടിലാണ് ലഭിക്കുക. ആറ് മാസം വരെ തൃപ്തികരമായി പ്രവർത്തിപ്പിക്കുന്ന അക്കൗണ്ട് ഉടമകൾക്ക് 5,000 രൂപ വരെ ഓവർഡ്രാഫ്റ്റ് (ഒഡി) അനുവദിക്കും. അക്കൗണ്ട് തുടങ്ങി മൂന്ന് മാസത്തിനുള്ളിൽ അക്കൗണ്ട് പരിശോധിക്കാൻ ഒരു തവണയെങ്കിലും ബാങ്കിലെത്തുന്ന ഉപഭോക്താവിനാണ് ഒരു ലക്ഷം രൂപയുടെ അപകട ഇൻഷൂറൻസിന് അർഹത.
പദ്ധതിയിലൂടെ 51.61 കോടി ഗുണഭോക്താക്കൾ ഇതുവരെ ബാങ്ക് അക്കൗണ്ട് സ്വന്തമാക്കിയിട്ടുണ്ട്. കൂടുതൽ വിവരങ്ങൾക്കും ജൻധൻ ബാങ്ക് അക്കൗണ്ടുകൾ ആരംഭിക്കാനുമായി ദേശസാൽകൃത ബാങ്കുകളുമായി ബന്ധപ്പെടാം
