ഭുവനേശ്വർ: ഒഡിഷയിലെ പുരി-സോനേപൂർ പാസഞ്ചർ ട്രെയിൻ ഫ്ലാഗ് ഓഫ് ചെയ്ത് പ്രധാനമന്ത്രി നരേന്ദ്രമോദി. വീഡിയോ കോൺഫറൻസിലൂടെയാണ് പ്രധാനമന്ത്രി ട്രെയിൻ ഫ്ലാഗ് ഓഫ് ചെയ്തത്. സംബാൽപൂരിൽ നടന്ന പൊതുപരിപാടിയിൽ പങ്കെടുത്ത അദ്ദേഹം വിവിധ പദ്ധതികളുടെ ഉദ്ഘാടനവും നിർവഹിച്ചു.
ഒഡിഷയിൽ 68,000 കോടി രൂപയുടെ 18 വികസന പദ്ധതികളുടെ ഉദ്ഘാടനവും തറക്കല്ലിടലുമാണ് പ്രധാനമന്ത്രി ഇന്ന് നിർവഹിച്ചത്. ദ്വിദിന സന്ദർശനത്തിനായാണ് പ്രധാനമന്ത്രി ഒഡിഷയിലെത്തിയത്. റെമേഡിൽ നടക്കുന്ന പൊതുസമ്മേളനത്തെയും അദ്ദേഹം അഭിസംബോധന ചെയ്യും.
നെയ്വേലി ലിഗ്നൈറ്റ് കോർപ്പറേഷന്റെ (എൻഎൽസി) 27,000 കോടിയിലധികം രൂപയുടെ തലബിര താപവൈദ്യുത പദ്ധതിയുടെ തറക്കല്ലിടലും അദ്ദേഹം നിർവഹിച്ചു. രാജ്യത്തിന്റെ ഊർജ സുരക്ഷയിൽ ഗണ്യമായ സംഭവാന നൽകാനും സമ്പദ് വ്യവസ്ഥയിൽ നിർണായക പങ്ക് വഹിക്കാനും പദ്ധതിക്കാകും. റെയിൽവേ ഗതാഗത മേഖലയിലും വിവിധ പദ്ധതികൾക്കാണ് ഇന്ന് തുടക്കമായത്.
