നടി പൂനം പാണ്ഡെയുടെ വ്യാജ മരണവാർത്തയിൽ രൂക്ഷമായ വിമർശനങ്ങളുമായി ബോളിവുഡ് താരങ്ങൾ. നടിമാരായ ഷെർലിൻ ചോപ്ര, സൊണാൽ ചൗഹാൻ, പിയ ബാജ്പെയി, പൂജാ ബട്ട് ഉൾപ്പെടെയുള്ള താരങ്ങളാണ് വിമർശനങ്ങളുമായി രംഗത്തെത്തിയത്. സമൂഹ മാദ്ധ്യമമായ എക്സിലൂടെ നടിമാർ തങ്ങളുടെ പ്രതികരണങ്ങൾ പങ്കുവച്ചു.
” തികച്ചും ലജ്ജാകരമായ പ്രവൃത്തി. മരണം ഒരു തമാശയല്ല. ചീഞ്ഞ പബ്ലിസിറ്റി സ്റ്റണ്ടാണിത്. പബ്ലിസിറ്റിക്ക് വേണ്ടി എന്തും ചെയ്യരുത്. എല്ലാത്തിനും അതിന്റേതായ പരിമിതികളുണ്ട്.”- സൊണാലി ചൗഹാൻ തുറന്നടിച്ചു.
Absolutely Shameful !!! A whole new low!!! Death is not a joke. Cheap and in such poor taste. One needs a to draw a line somewhere #PoonamPande 👎🏻
— SONAL CHAUHAN (@sonalchauhan7) February 3, 2024
സെർവിക്കൽ ക്യാൻസർ ബാധിച്ച് പൂനം പാണ്ഡെ മരണപ്പെട്ടുവെന്ന് അറിഞ്ഞത് ഒരു ഞെട്ടലോടെയായിരുന്നു. എന്നാൽ ഇത് വ്യാജമാണെന്നറിഞ്ഞപ്പോൾ തികച്ചും വെറുപ്പുളവാക്കി. ആ രോഗത്തോട് പോരാടുന്നവരോടുള്ള അവഹേളനമാണ് അവർ ചെയ്തതെന്നായിരുന്നു പൂജാ ഭട്ട് കുറിച്ചത്. സ്വന്തം മരണത്തെ വ്യാജമാക്കി പ്രചരിപ്പിക്കുന്നത് തീർത്തും അധമമാണെന്നും തെറ്റായ മാതൃകയാണെന്നും നടി പിയ ബാജ്പേയും പറഞ്ഞു.
I never delete tweets but did so in the case where I expressed my shock at news of Poonam Pandey’s demise due to cervical cancer. Why? Turns out the news was engineered by a digital/PR team. Absolute disgrace & disservice to those battling the same-her included. 🙏
— Pooja Bhatt (@PoojaB1972) February 3, 2024
new Low in Social Media Culture. Faking your own death is new low..disgusting and disgraceful, setting very very wrong example..WHAT A SHAME.
— Pia Bajpiee (@piabajpiee) February 3, 2024
ഇന്നലെയാണ് പൂനം പാണ്ഡെയുടെ ഇൻസ്റ്റഗ്രാം അക്കൗണ്ടിലൂടെ മരണവാർത്ത പുറത്തുവന്നത്. സെർവിക്കൽ ക്യാൻസർ മൂലം താരം മരണപ്പെട്ടെന്നായിരുന്നു നടിയുടെ മാനേജർ അറിയിച്ചത്. എന്നാൽ ഇത് വ്യാജമാണെന്ന് പറഞ്ഞ് നടി രംഗത്തെത്തി. സെർവിക്കൽ ക്യാൻസറിനെതിരെയുള്ള ബോധവത്കരണത്തിന്റെ ഭാഗമായി നടത്തിയ കാര്യമാണിതെന്നായിരുന്നു പൂനം പാണ്ഡെയുടെ വിശദീകരണം. ഇതോടെ താരത്തിനെതിരെ വൻ വിമർശനങ്ങളാണ് ഉയർന്നു വരുന്നത്.