90 ശതമാനം സബ്സിഡിയോടുകൂടി ഗ്രാമപരിധിയിലെ മുഴുവൻ കുടുംബങ്ങൾക്കും വാട്ടർ കണക്ഷൻ നൽകുന്ന കേന്ദ്ര പദ്ധതിയാണ് ജൽ ജീവൻ മിഷൻ. കേരളത്തിലെ മുഴുവൻ ഗ്രാമീണ കുടുംബങ്ങൾക്കും എപിഎൽ, ബിപിഎൽ വ്യത്യാസമില്ലാതെ 10 ശതമാനം മാത്രം ഗുണഭോക്തൃ വീതം അടച്ച് കണക്ഷൻ എടുക്കാവുന്നതാണ്. കേരളത്തിലെ അമ്പതുലക്ഷം കുടുംബങ്ങൾക്കും ശുദ്ധമായ കുടിവെള്ളം പൈപ്പ് വഴി ലഭ്യമാക്കും.
മുഴുവൻ ഗ്രാമീണ കുടുംബങ്ങൾക്കും ഉള്ള പദ്ധതി ആയതിനാൽ അപേക്ഷിക്കുന്ന എല്ലാവർക്കും മുൻഗണനാക്രമം അനുസരിച്ച് വാട്ടർ കണക്ഷൻ ലഭിക്കും. കേന്ദ്രമാനദണ്ഡം അനുസരിച്ച് ഈ പദ്ധതിയുടെ ഉടമസ്ഥ ഉത്തരവാദിത്വം ഗ്രാമപഞ്ചായത്തിനും ഗുണഭോക്ത സമിതികൾക്കുമാണ്. അതിനാൽ കണക്ഷൻ എടുക്കാനായി പഞ്ചായത്ത് ഓഫീസിലോ വാർഡ് മെമ്പറെയോ സമീപിച്ച് അപേക്ഷ നൽകാം.
സംശയനിവാരണത്തിനും മാർഗ്ഗനിർദ്ദേശങ്ങൾക്കും
കൂടുതൽ വിവരങ്ങൾക്ക് അതാത് പഞ്ചായത്തിലെ വാട്ടർ അതോറിറ്റിയുടെ അസിസ്റ്റന്റ് എൻജിനീയറെ സമീപിക്കുക. അല്ലെങ്കിൽ അതോറിറ്റിയുടെ ടോൾ ഫ്രീ നമ്പറായ 1916-ൽ ബന്ധപ്പെടുക.