മത്സ്യവിഭവങ്ങൾ മലയാളികൾക്ക് എന്നും പ്രിയമാണ്. മീൻ പൊരിച്ചതും, മീൻ കറിയും, മീൻ തോരനും, മീന അച്ചാറും അങ്ങനെ എത്ര എത്ര വിഭവങ്ങൾ.. ഇതൊക്കെയാണെങ്കിലും പലരെയും മീൻ വാങ്ങുന്നതിൽ നിന്നും വിട്ടു നിർത്തുന്ന കാര്യങ്ങളിലൊന്നാണ് മീൻനാറ്റം. മീൻ വാങ്ങി കറിവച്ച് കഴിഞ്ഞാലും മീനിന്റെ ഗന്ധം അടുക്കളകളിൽ തങ്ങി നിൽക്കുന്നു. എന്നാൽ ഇനി ഇതോർത്ത് വിഷമിക്കേണ്ട. മീൻ ഗന്ധം അകറ്റാൻ ഈ എളുപ്പ വഴികൾ പരീക്ഷിച്ചു നോക്കാം..
വിനാഗിരിയും നാരങ്ങയും
വിനാഗിരിയും നാരങ്ങയും മീൻ ഗന്ധം അകറ്റാൻ ഉത്തമമാണ്. ഇതിനായി ഒരു പാത്രത്തിൽ വെള്ളമെടുത്ത് അതിലേക്ക് വിനാഗിരിയും നാരങ്ങ നീരും ചേർത്ത് നന്നായി തിളപ്പിക്കുക. തിളപ്പിക്കുമ്പോൾ കുറച്ചു നേരം അടച്ചു വച്ച് തിളപ്പിക്കുക. ശേഷം തുറന്നു വച്ച് തിളപ്പിക്കാവുന്നതാണ്. ഇതിന്റെ മണം മീൻനാറ്റം അകറ്റാൻ സഹായിക്കുന്നു.
കർപ്പൂരം:
മീൻ ഉണ്ടാക്കി കഴിഞ്ഞതിന് കുറച്ച് സമയത്തിനു ശേഷം ഗന്ധം അകറ്റാനായി കർപ്പൂരമോ ചന്ദനത്തിരിയോ കത്തിച്ച് വയ്‌ക്കാം.
കറുവപ്പട്ടയും ഗ്രാമ്പുവും
ഒരു പാത്രമെടുത്ത് അതിലേക്ക് വെള്ളവും കറുവപ്പട്ടയും ഗ്രാമ്പുവും ചേർത്ത് നന്നായി തിളപ്പിക്കുക. ഇതിലേക്ക് കുറച്ച് ഏലയ്‌ക്കാ പൊടിച്ചതും കൂടി ചേർത്ത് ഇളക്കി അടുക്കളയിൽ വയ്‌ക്കാം. ഈ വെള്ളം മീൻ ഗന്ധം കുറയ്‌ക്കാൻ സഹായിക്കുന്നു.
