പ്രസവത്തിന് മുമ്പും ശേഷവും സ്ത്രീകളുടെ വിശ്രമ കാലേയളവിൽ ഉണ്ടാകുന്ന വേതന നഷ്ടം പരിഹരിക്കുന്ന പദ്ധതിയാണ് പ്രധാനമന്ത്രി മാതൃവന്ദന യോജന. ഭാരതത്തിന്റെ ഭാവി തലമുറയ്ക്കുള്ള ആരോഗ്യരക്ഷാ പദ്ധതി കൂടിയാണിത്. ഗർഭിണികൾക്കും മുലയൂട്ടുന്നവർക്കും ആരോഗ്യ പരിപാലനത്തിനാണ് സഹായം നൽകുന്നത്.
കേന്ദ്ര-സംസ്ഥാന സർവീസിൽ ജോലി ചെയ്യുന്നവരും ആനുകൂല്യം പറ്റുന്നവരും ഒഴികെ എല്ലാം വിഭാഗത്തിനും പദ്ധതിയുടെ ആനുകൂല്യം ലഭിക്കും. അമ്മയുടെ ബാങ്ക് അക്കൗണ്ടിൽ നേരിട്ടാണ് പണം നൽകുന്നത്.
5,000 രൂപയാണ് പ്രധാനമന്ത്രി മാതൃവന്ദന യോജനയിലൂടെ ലഭിക്കുക
- ഗർഭിണിയായിരിക്കുമ്പോൾ ആദ്യ ഗഡുവായ 1000 രൂപ ലഭിക്കും
- പ്രസവശേഷം 2000 രൂപ രണ്ടാം ഗഡുവായ ലഭിക്കും
- ആറ് മാസത്തിന് ശേഷം മൂന്നാം ഗഡുവായ 2000 രൂപ
ആദ്യ കാലത്ത് ഒരു കുട്ടിക്ക് മാത്രമായിരുന്നു ആനുകൂല്യം ലഭിച്ചിരുന്നത്. എന്നാൽ ഇപ്പോൾ രണ്ടാമത്തേത് പെൺകുട്ടിയാണെങ്കിൽ തുടർന്നും ആനുകൂല്യം ലഭിക്കും.
കൂടുതൽ വിവരങ്ങൾക്ക് :
അടുത്തുള്ള അങ്കണവാടികളിലോ സംസ്ഥാന സർക്കാർ ആരോഗ്യ കേന്ദ്രങ്ങളിലോ ബന്ധപ്പെട്ട് പേര് രജിസ്റ്റർ ചെയ്യാവുന്നതാണ്. ആധാർ കാർഡും ബാങ്ക് അക്കൗണ്ട് ഡിറ്റൈൽസും മാത്രമാണ് രേഖകളായി ആവശ്യമുള്ളത്.
