മുംബൈ: മഹാരാഷ്‌ട്ര നവനിർമാൺ സേന (എംഎൻഎസ്) അദ്ധ്യക്ഷൻ രാജ് താക്കറെയുമായി മുംബൈ ബിജെപി അദ്ധ്യക്ഷൻ ആശിഷ് ഷെലാർ കൂടിക്കാഴ്ച നടത്തി. തങ്ങൾ പഴയ സുഹൃത്തുക്കളാണെന്നും അതുകൊണ്ട് ഇത്തരം കൂടിക്കാഴ്ചകൾ സ്വഭാവികമാണെന്നും ഷേലാർ പറഞ്ഞു.
ഞാനും രാജ് താക്കറെയും വളരെക്കാലമായി സുഹൃത്തുക്കളാണ്. ഞങ്ങൾ പല വിഷയങ്ങളും ചർച്ച ചെയ്യാറുണ്ട്. ശരിയായ സമയത്ത് ഞങ്ങൾ ചില വിശദാംശങ്ങൾ വെളിപ്പെടുത്തും, ദാദറിലെ വസതിയിലെത്തി താക്കറെയെ കണ്ടതിന് ശേഷം ഷെലാർ മാദ്ധ്യമപ്രവർത്തകരോട് പറഞ്ഞു.
ഉദ്ധവ് താക്കറെയുടെ നേതൃത്വത്തിലുള്ള ശിവസേനയെ അപ്രസ്ക്തമാക്കാൻ ബിജെപി എംഎൻഎസുമായി കൈകോർത്തേക്കുമെന്ന അഭ്യൂഹങ്ങൾ രാഷ്‌ട്രീയ വൃത്തങ്ങളിൽ സജീവമാണ്. എംഎൻഎസ് നേതാക്കളുടെ പ്രതിനിധി സംഘം അടുത്തിടെ ഉപമുഖ്യമന്ത്രി ദേവേന്ദ്ര ഫഡ്‌നാവിസുമായി കൂടിക്കാഴ്ച നടത്തിയിരുന്നു.
