ഒരു സ്ഥലത്തേക്ക് പോകുമ്പോൾ തന്നേക്കാൾ മുമ്പെത്തുന്നത് തന്റെ വയറാണെന്ന് തമാശയായി ചിലർ പരാതി പറയുന്നത് കേട്ടിരിക്കാം. അമിത വയർ പലർക്കും വലിയ വിഷമമുണ്ടാക്കുന്ന ഒന്നാണ്. ഭക്ഷണ ശീലങ്ങളിലെ പാകപ്പിഴകളാണ് ഇത്തരത്തിൽ വയറുണ്ടാക്കുന്നതും. കുടവയർ കുറയ്ക്കാൻ സഹായിക്കുന്ന ബ്രേക്ക് ഫാസ്റ്റിനെക്കുറിച്ച് അറിയാം..
പാചകം ചെയ്യാതെ തന്നെ വളരെ എളുപ്പത്തിൽ ഇത് തയ്യാറാക്കാവുന്നതാണ്. ഇതിനാവശ്യമായ ചേരുവകൾ താഴെ..
അരക്കപ്പ് ഓഡ്സ്, ഒരു ടേബിൾ സ്പൂൺ ചിയാ സീഡ്
ലോ-ഫാറ്റ് മിൽക്ക് ആവശ്യത്തിന്
ഒരു ടേബിൾ സ്പൂൺ തേൻ
അൽപം പംപ്കിൻ സീഡ്, ബദാം, ആപ്പിൾ, ബ്ലൂബെറി, മാതളനാരങ്ങ
(ആപ്പിളിന് പകരം സ്ട്രോബറിയോ മറ്റേതെങ്കിലും പഴവർഗങ്ങളോ ഉപയോഗിക്കാവുന്നതാണ്. )
ഇവയെല്ലാം ഒരു അടപ്പുള്ള പാത്രത്തിലേക്കോ ഗ്ലാസ് ജാറിലേക്കോ നിറയ്ക്കാം. ശേഷം ഇവ നന്നായി ഇളക്കി ചേർത്ത് പാത്രം അടയ്ക്കുക. രാത്രി സമയത്ത് തയ്യാറാക്കി നേരെ ഫ്രിഡ്ജിൽ വയ്ക്കുക. രാവിലെ എടുത്ത് കഴിക്കുക.
വയർ നന്നായി കുറയുന്നതിന് ഏറെ സഹായകരമാകുന്ന ബ്രേക്ക് ഫാസ്റ്റ് ആണിതെന്ന് അനുഭവസ്ഥർ ചൂണ്ടിക്കാട്ടുന്നു. ദിവസേന വർക്കൗട്ട് ചെയ്യുന്നതിനൊപ്പമാണ് ഈ ബ്രേക്ക് ഫാസ്റ്റ് ശീലമാക്കേണ്ടത്. ഇത്തരത്തിൽ പതിവാക്കിയാൽ കുടവയർ നല്ലപോലെ കുറയുന്നതാണ്.