ആലപ്പുഴ: ചർച്ചിൽ ജോലിക്കെത്തിയ യുവതിയെ പീഡിപ്പിച്ച കേസിൽ പാസ്റ്റർ അറസ്റ്റിൽ. മാവേലിക്കരയിലാണ് സംഭവം. പുനലൂർ സ്വദേശി സജി എബ്രഹാമാണ് (64) പിടിയിലായത്. ഐപിസി സഭയുടെ മറ്റം ചർച്ചിലെ പാസ്റ്ററായിരുന്നു പ്രതി. കഴിഞ്ഞ ജനുവരി 14 നായിരുന്നു കേസിനാസ്പദമായ സംഭവം നടന്നത്.
പീഡനവിവരം യുവതി ഭർത്താവിനെ അറിയിക്കുകയും തുടർന്ന് മാവേലിക്കര പോലീസിൽ പരാതി നൽകുകയുമായിരുന്നു. പരാതിയെ തുടർന്ന് പോലീസ് പ്രതിയെ ചോദ്യം ചെയ്തിരുന്നു. എന്നാൽ പ്രതിയെ അറസ്റ്റ് ചെയ്തില്ല. തുടർന്ന് യുവതിയും ഭർത്താവും സംസ്ഥാന പോലീസ് മേധാവിയേയും ഹൈക്കോടതിയെയും സമീപിച്ചു. ഇതോടെയാണ് മാവേലിക്കര പോലീസ് പ്രതിയെ അറസ്റ്റ് ചെയ്തത്.
