ജനങ്ങൾക്കിടയിൽ ചിരി പടർത്തി ലോക്സഭ തിരഞ്ഞെടുപ്പിനോടനുബന്ധിച്ച് സിപിഎം സ്ഥാപിച്ച ഫ്ലക്സുകൾ. പത്തനംതിട്ട എൽഡിഎഫ് സ്ഥാനാർത്ഥി തോമസ് ഐസക്കിന്റെ ഫ്ലക്സുകളാണ് ട്രോളുകളിൽ നിറയുന്നത്. ഫ്ലക്സുകളിൽ തോമസ് ഐസക്കിന് നൽകിയ വിശേഷണങ്ങൾ തന്നെയാണ് ഇതിന് കാരണം. പത്തനംതിട്ട മണ്ഡലത്തിലെ വിവിധ ഇടങ്ങളിൽ ഫ്ലക്സുകൾ പ്രത്യക്ഷപ്പെട്ടതോടെ ജനങ്ങൾ പരിഹസിക്കാനും ആരംഭിച്ചു.
വൈജ്ഞാനിക സമൂഹത്തിന്റെ വാഗ്ദാനം, കിഫ്ബിയുടെ ഉപജ്ഞാതാവ്, ലോക സാമ്പത്തിക ഗതിയെ വിശകലനം ചെയ്യുന്ന സാമ്പത്തിക വിദഗ്ധൻ, ജനകീയാസൂത്രണത്തിന്റെ ജനയിതാവ് എന്നിങ്ങനെയാണ് ഫ്ലക്സ് ബോഡുകളിലെ വിശേഷണങ്ങൾ. ഫ്ലക്സുകളുടെ ചിത്രങ്ങൾ സമൂഹമാദ്ധ്യമങ്ങളിൽ പ്രത്യക്ഷപ്പെട്ടതോടെ ട്രോളുകളും വന്ന് തുടങ്ങി.
