അത് കേൾക്കുമ്പോൾ വല്ലാത്ത ചമ്മൽ..! ദയവ് ചെയ്ത് ഇനി അങ്ങനെ വിളിക്കരുത്: അഭ്യർത്ഥനയുമായി കോലി

ബെംഗളൂരു: കിം​ഗ് എന്ന് അഭിസംബോധന ചെയ്യുന്നത് ഒഴിവാക്കണമെന്ന് ഇന്ത്യൻ മുൻ നായകൻ വിരാട് കോലി. ഇന്നലെ ചിന്നസ്വാമി സ്റ്റേഡിയത്തില്‍ നടന്ന ആർ.സി.ബിയുടെ ഫാൻ ഫെയറിനിടെയാണ് താരം ആരാധകരോട് അഭ്യർത്ഥിച്ചത്. തന്നെ വിരാട് എന്ന് വിളിക്കണമെന്നാണ് അദ്ദേഹം പറഞ്ഞത്. ക്രിക്കറ്റ് ലോകത്ത് വിരാടിനെ കിം​ഗ് എന്ന് ആരാധകരും കമന്റേറ്റർമാരും സഹതാരങ്ങളും വിശേഷിപ്പിക്കാറുണ്ട്. ഇത് ഒഴിവാക്കണമെന്നാണ് താരത്തിന്റെ എളിയ അഭ്യർത്ഥന.

ആര്‍,സി,ബി അണ്‍ബോക്സ് ചടങ്ങിനിടെ ക്യാപ്റ്റൻ ഫാഫ് ഡൂപ്ലെസിയും വനിതാ ടീം ക്യാപ്റ്റന്‍ സ്മൃതി മന്ഥാനയും വേദിയിൽ നിൽക്കെയായിരുന്നു വിരാടിന്റെ അഭ്യർത്ഥന. അവതാരകനായ ഡാനിഷ് സേട്ട് കോലിയെ കിം​ഗെന്ന് അഭിസംബോധന ചെയ്തിരുന്നു. കോലി സംസാരിച്ചു തുടങ്ങിയപ്പോൾ ആരാധകരും കിം​ഗ് എന്ന് വിളിച്ച് ആരവും മുഴക്കി. ഇതിന് പിന്നാലെയാണ് താരം നിലപാട് വ്യക്തമാക്കിയത്.

‘സിഎസ്കെയുമായുള്ള മത്സരത്തിനായി ഞങ്ങള്‍ക്ക് ചെന്നൈയിലേക്ക് പോകേണ്ടതുണ്ട്. ചാര്‍ട്ടേഡ് വിമാനത്തിന്‍റെ സമയമായതിനാല്‍ അധികം സമയമില്ല. ഞാൻ ഡുപ്ലെസിയോട് പറയുകയായിരുന്നു എല്ലാ വർഷവും നിങ്ങളെന്നെ ആ പേര്(കിംഗ്) വിളിക്കുമ്പോൾ വലിയ ചമ്മലും നാണക്കേടുമൊക്കെ തോന്നുന്നു. അതിനാൽ എനിക്കൊരു അഭ്യര്‍ത്ഥനയുണ്ട്. ദയവു ചെയ്ത് നിങ്ങള്‍ എന്നെയിനി ആ പേര് വിളിക്കരുത്. ഓരോ തവണ കേള്‍ക്കുമ്പോഴും വലിയ നാണക്കേടുണ്ട്. അതുകൊണ്ട് ഇനിമുതൽ എന്നെ വിരാട് എന്നു മാത്രം വിളിക്കുക.- വിരാട് കോലി പറഞ്ഞു.

God of masses @imvkohli 🥵🔥 pic.twitter.com/XtQ0NX6jLz

— ` (@chixxsays) March 19, 2024

“>