സ്പാം അറ്റാക്കുകൾ വർദ്ധിക്കുന്ന സാഹചര്യത്തിൽ ഗൂഗിൾ ഡ്രൈവ് ഉപയോക്താക്കൾക്ക് മുന്നറിയിപ്പുമായി ഗൂഗിൾ. സ്പാം അറ്റാക്കിനെ ഫലപ്രദമായി പ്രതിരോധിക്കുന്നതിനുള്ള മാർഗങ്ങൾ അടക്കമാണ് മുന്നറിയിപ്പ് നൽകിയിരിക്കുന്നത്.
ഒരു ഫയൽ സ്പാമാണെന്ന് സംശയിക്കുന്നുവെങ്കിൽ, സ്പാം അടയാളപ്പെടുത്തുന്നതിനോ അൺമാർക്ക് ചെയ്യുന്നതിനോ ഗൂഗിൾ ഡ്രൈവ് നൽകുന്ന നിർദ്ദേശങ്ങൾ പാലിക്കണം. ഇവയിൽ ഏതെങ്കിലും ലിങ്കുകളിൽ ക്ലിക്ക് ചെയ്യുകയോ അവ ഓപ്പൺ ചെയ്യുകയോ ചെയ്യരുതെന്ന് ഉപയോക്താക്കളോട് ഗൂഗിൾ അഭ്യർത്ഥിച്ചു.
ഗൂഗിൾ ഡ്രൈവ് ഉപയോക്താക്കൾക്ക് സ്പാമുകൾ എളുപ്പത്തിൽ റിപ്പോർട്ട് ചെയ്യാനാകും. സ്മാർട്ട്ഫോണുകളിൽ, ഒരു ഫയലിൽ ഘടിപ്പിച്ചിരിക്കുന്ന ത്രീ-ഡോട്ട് മെനുവിൽ ടാപ്പ് ചെയ്ത് ‘റിപ്പോർട്ട്’ ബട്ടണിൽ ടാപ്പ് ചെയ്യുക. കമ്പ്യൂട്ടറുകളിൽ, ഫയലിൽ വലത്-ക്ലിക്കുചെയ്ത് ‘ബ്ലോക്ക് അല്ലെങ്കിൽ റിപ്പോർട്ട്’ മെനുവിൽ ക്ലിക്കുചെയ്യുക. കൂടാതെ, ഗൂഗിൾ ഡ്രൈവ് ഉപയോക്താക്കൾക്ക് 2023-ൽ അവതരിപ്പിച്ച സ്പാം ഫോൾഡറിലേക്ക് സംശയാസ്പദമായി കാണുന്ന ഫയലുകൾ നീക്കാനും കഴിയും.
സ്പാം ആണെന്ന് സംശയിക്കുന്ന എല്ലാ ഫയലുകളിലും നിർദ്ദേശങ്ങൾ പാലിക്കണമെന്നും അല്ലെങ്കിൽ ഡ്രൈവിലെ സ്പാം അൺമാർക്ക് ചെയ്യണമെന്നും നിർദ്ദേശത്തിൽ പറയുന്നു. ഈ ഫയലുകൾ തുറക്കാത്ത സാഹചര്യങ്ങളിൽ ഗൂഗിൾ ആ സ്പാം ഡോക്യുമെന്റ് തടഞ്ഞുവെന്നാണ് മനസിലാക്കേണ്ടത്. സ്പാം അറിയിപ്പുകൾ ലഭിച്ച ശേഷം ഇത്തരം സ്പാമുകളെ ഇല്ലാതാക്കാനുള്ള ശ്രമങ്ങളും തങ്ങൾ നടത്തുമെന്നും ഗൂഗിൾ വൃത്തങ്ങൾ വ്യക്തമാക്കുന്നു.
ഉപയോക്താക്കളെ സൈബർ സുരക്ഷാ ഭീഷണികളിൽ നിന്ന് രക്ഷിക്കാനായിട്ടാണ് ഈ മുന്നറിയിപ്പ് ഗൂഗിൾ ഡ്രൈവ് ടീമിൽ നിന്ന് നേരിട്ട് അയക്കുന്നത്. ഡാറ്റയുടെയും അക്കൗണ്ടുകളുടെയും സുരക്ഷ ഉറപ്പാക്കാൻ ഗൂഗിൾ ഡ്രൈവ് ഉപയോഗിക്കുമ്പോൾ ജാഗ്രത കാണിക്കണമെന്നും ഗൂഗിൾ പറയുന്നു.
