ഐപിഎല്ലിനിടയിൽ വെബ് സീരീസ് കണ്ടുകൊണ്ടിരുന്നാൽ എങ്ങനെയിരിക്കും.. ഇന്നലെ ചിന്നസ്വാമി സ്റ്റേഡിയത്തിൽ നടന്ന ബെംഗളൂരു – ലക്നൗ പോരാട്ടത്തിനിടയിലെ ഇത്തരത്തിലൊരു രംഗമാണ് ഇപ്പോൾ ക്രിക്കറ്റ് ലോകത്തെ ചർച്ചാ വിഷയം. മത്സരത്തിനിടെ ഗ്യാലറിയുടെ മുന്നിലിരുന്ന് ഫ്രണ്ട്സ് വെബ്സീരീസ് കാണുന്ന പെൺകുട്ടിയുടെ ചിത്രമാണ് സമൂഹമാദ്ധ്യമങ്ങളിൽ ചർച്ചയാകുന്നത്. മത്സരം കാണാനെത്തിയ പെൺകുട്ടിയുടെ പുറകിലിരുന്ന് പകർത്തിയ ചിത്രം ഇതിനോടകം തന്നെ സോഷ്യൽ മീഡിയയിൽ വൈറലാണ്. ‘ഒരു ഐപിഎൽ മാച്ച് നടക്കുന്നതിനിടെ ഈ പെൺകുട്ടി ‘ഫ്രണ്ട്സ്’ സീരീസ് കാണുന്നു, ഇത് വിശ്വസിക്കാനാവുന്നില്ല’ എന്ന അടിക്കുറിപ്പോടെയാണ് ചിത്രം പങ്കുവച്ചിരിക്കുന്നത്.
ചിത്രത്തിന് താഴെ കൗതുകകരമായ നിരവധി കമന്റുകളും ആരാധകർ പങ്കുവച്ചിട്ടുണ്ട്. ഇവളും എന്നെ പോലുള്ള ആർസിബി ആരാധികയായിരിക്കും, ഇങ്ങനെയെങ്കിലും സന്തോഷം കണ്ടെത്തട്ടെ, ഐപിഎൽ സ്ക്രിപ്റ്റിനെക്കാൾ മികച്ചതാണ് ഫ്രണ്ട്സിന്റെ സ്ക്രിപ്റ്റ് എന്നിങ്ങനെ നീളുന്നു കമന്റുകൾ.
Can’t believe this girl is watching Friends during an IPL match 😭 pic.twitter.com/fgL14lPGyC
— Deepak Kumaar (@immunewolf_) April 2, 2024
“>
ഇന്നലെ ലക്നൗവിനോടും 28 റൺസിന് ആർസിബി പരാജയപ്പട്ടിരുന്നു. ടോസ് നഷ്ടപ്പെട്ട് ആദ്യം ബാറ്റിംഗിനിറങ്ങിയ ലക്നൗ നിശ്ചിത ഓവറിൽ അഞ്ച് വിക്കറ്റ് നഷ്ടത്തിൽ 181 റൺസ് നേടി. എന്നാൽ മറുപടി ബാറ്റിംഗിൽ ബെംഗളൂരു 19.4 ഓവറിൽ 153 റൺസിന് ഓൾഔട്ടായി. നാല് ഓവറിൽ 14 റൺസ് മാത്രം വഴങ്ങി മൂന്ന് വിക്കറ്റ് വീഴ്ത്തിയ മായങ്ക് യാദവാണ് ബെംഗളൂരുവിന്റെ നട്ടെല്ലൊടിച്ചത്.