ക്രിക്കറ്റ് ആരാധകരുടെ വികാരമാണ് എം.എസ് ധോണി. ഐപിഎല്ലിന്റെ ഈ സീസണിൽ മൂന്ന് മത്സരങ്ങളിൽ മാത്രമാണ് താരം ബാറ്റിംഗിന് ഇറങ്ങിയിട്ടുള്ളു എങ്കിലും വലിയ ആരവങ്ങളോടെയാണ് ആരാധകർ ധോണിയെ വരവേറ്റിരുന്നത്. ധോണിയെ പോലെ താരത്തിന്റെ കുടുംബവും എന്നും ആരാധകർക്ക് പ്രിയപ്പെട്ടതാണ്. ഭാര്യ സാക്ഷി ധോണിയുടെ പഴയ ഒരു വീഡിയോയാണ് ഇപ്പോൾ സോഷ്യൽ മീഡിയയിൽ വൈറലാകുന്നത്. ധോണിയെന്ന പങ്കാളിയെ കുറിച്ചും അദ്ദേഹത്തിന്റെ പെട്ടെന്നുള്ള ടെസ്റ്റ് വിരമിക്കലിനെക്കുറിച്ചും പറയുന്നത് വീഡിയോയിൽ കാണാം.
Ms Dhoni is truly lucky to have a wife like Sakshi Singh ❤️ pic.twitter.com/3dY57FSClt
— 𝙼𝚛.𝚅𝚒𝚕𝚕𝚊 (@Shivayaaah) April 8, 2024
“>
2014-ലാണ് അദ്ദേഹം ടെസ്റ്റ് ക്രിക്കറ്റിൽ നിന്ന് വിരമിച്ചത്. കുടുംബത്തിനും സുഹൃത്തുകൾക്കുമെല്ലാം അതിന്റെ സൂചന നേരത്തെ ലഭിച്ചിരുന്നു. നിങ്ങൾക്ക് ഒരു കുഞ്ഞിനെ വേണമെന്നുണ്ടെങ്കിൽ ക്രിക്കറ്റിന്റെ ഒരു ഫോർമാറ്റിൽ നിന്ന് എങ്കിലും വിരമിക്കണമെന്നാണ് ഞാൻ അദ്ദേഹത്തോട് പറഞ്ഞത്. അല്ലാത്ത പക്ഷം കുഞ്ഞിനൊപ്പം ഒരിക്കിലും സമയം ചെലവഴിക്കാൻ സാധിക്കില്ലെന്ന കാര്യവും അദ്ദേഹത്തെ പറഞ്ഞ് മനസിലാക്കി.
സിവ ജനിച്ചപ്പോൾ ഹോസ്പിറ്റലിൽ ഉണ്ടായിരുന്ന എല്ലാവരും ‘അയ്യോ നിന്റെ ഭർത്താവ് വന്നില്ല’ എന്ന് പറഞ്ഞ് എന്നെ തളർത്താൻ നോക്കി. അവരോട് സാരമില്ലെന്നാണ് ഞാൻ മറുപടി പറഞ്ഞത്. ക്രിക്കറ്റിന് പ്രഥമ പരിഗണന കൊടുക്കുന്ന വ്യക്തിയാണ് അദ്ദേഹം. എനിക്കേറ്റവും പ്രിയപ്പെട്ടത് അദ്ദേഹമാണ്. അതുകൊണ്ട് തന്നെ അദ്ദേഹം മുൻഗണന നൽകുന്ന കാര്യങ്ങൾക്കാണ് ഞാൻ മുൻഗണന നൽകുന്നത്.
അദ്ദേഹത്തിന്റെ ഭാര്യയായതിനാൽ ഞാൻ ത്യാഗം ചെയ്യുവെന്നാണ് പലരും പറയുന്നത്. പക്ഷേ ഞാൻ ചെയ്യുന്നതോന്നും ത്യാഗമല്ല. സ്‌നേഹം ഉള്ളിലുള്ളപ്പോൾ അതിനെ ത്യാഗമെന്ന് പറയാനാവില്ലെന്നും സാക്ഷി ധോണി പറഞ്ഞു.
