നിങ്ങളുടെ ഭർത്താവ് നിങ്ങൾക്ക് ഷോപ്പിംഗിനായി പണം എത്ര രൂപ തരാറുണ്ട്? ഭർത്താക്കൻമാരെ നിങ്ങൾ എത്ര രൂപ ഭാര്യയ്‌ക്ക് ഷോപ്പിംഗിന് കൊടുക്കാറുണ്ട്? യുഎഇ പൗരൻ ഭാര്യയ്‌ക്ക് മാസം തോറും നൽകുന്ന പണമാണ് ഇപ്പോൾ സമൂഹ മാദ്ധ്യമങ്ങളിലെ ചൂടുള്ള ചർച്ച.
ബ്രിട്ടീഷ് വംശജയായ മലൈക രാജയെന്ന യുവതിയാണ് തനിക്ക് ലഭിക്കുന്ന പണം വെളിപ്പെടുത്തിയിരിക്കുന്നത്. 180,000 പൗണ്ട് (1.86 കോടി)യാണ് യുവതിക്ക് ലഭിക്കുന്നത്.
ടിക്‌ടോക്ക് താരമായ മലൈക മിക്കപ്പോഴും ഭർത്താവും മകനുമായുളള വീഡിയോകൾ പങ്കുവെക്കാറുണ്ട്. ഈദ് ഷോപ്പിംഗിനായി ഭർത്താവിനോട് കൂടുതൽ പണം ആവശ്യപ്പെടുന്ന വീഡിയോ വൈറലായിരുന്നു. ഭർത്താവ് പണം തന്നില്ലെങ്കിൽ ഡിവോഴ്സാകുമോയെന്ന് പലരും അന്ന് ടിക്‌ടോക്കിലൂടെ യുവതിയോട് ചോദിച്ചിരുന്നു.
ആഭരണങ്ങൾ വാങ്ങുന്നതിനോടാണ് തനിക്ക് പ്രിയമെന്ന് മലൈക മുൻപ് പല വീഡിയോയിലും പറഞ്ഞിട്ടുണ്ട്. ബ്രേസ്ലെറ്റുകൾ വാങ്ങാൻ മാത്രം ഒരു മാസം 4.15 ക്ഷം രൂപയാണ് യുവതി ചെലവാക്കുന്നത്. ഭർത്താവ് ഷോപ്പിംഗിന് കൂടെ വരുന്നില്ലെന്ന പരാതി യുവതി ഉന്നയിക്കാറുണ്ട്. മൂന്ന് മില്ല്യൺ ഫോളോവേഴ്സാണ് ടിക്‌ടോക്കിൽ മലൈകയ്‌ക്ക് ഉള്ളത്.
