ഇന്ത്യൻ നേവിയിൽ അപ്രന്റീസാകാൻ അവസരം. 300 ഒഴിവുകളിലേക്കാണ് അപേക്ഷ ക്ഷണിച്ചിരിക്കുന്നത്. എട്ടാം ക്ലാസ് പത്താം ക്ലാസ് യോഗ്യതയുള്ള ഉദ്യോഗാർത്ഥികളിൽ നിന്നാണ് അപേക്ഷ ക്ഷണിച്ചിരിക്കുന്നത്.
ഒഴിവുള്ള തസ്തികകൾ…
ഫിറ്റർ-50, ഇലക്ട്രോണിക് മെക്കാനിക്ക്-35, മെക്കാനിക്ക്-26, ഷിപ്പ്റൈറ്റ്സ്-18, വെൽഡർമാർ-15, മെഷിനിസ്റ്റ് -13,മെക്കാനിക്ക് മെഷീൻ ടൂൾ മെയിന്റനൻസ്-13, പൈപ്പ്ഫിറ്റർ-13, പെയിന്റർ-9, ഇൻസ്ട്രുമെന്റ് മെക്കാനിക്ക്സ് -7, ഷീറ്റ് മെറ്റൽ വർക്കർ-3, ടെയിലർ -3, പാറ്റേൺ മെയ്ക്കേഴ്സ്-3, ഫൗണ്ട്രി മാൻ-1
അപേക്ഷകൾ സമർപ്പിക്കേണ്ട അവസാന തീയതി മെയ് 10. 14-നും 18-നും ഇടയിൽ പ്രായമുള്ള ഉദ്യോഗാർത്ഥികൾക്കാണ് അപേക്ഷിക്കാനാകുക. നോൺ ഇൻഡസ്ട്രീയൽ ട്രെയിനിംഗ് ഇൻസ്റ്റിറ്റ്യൂട്ട് ട്രേഡുമായി ബന്ധപ്പെട്ട തസ്തികകളിലേക്കാണ് എട്ടാം ക്ലാസ് യോഗ്യതയുള്ള ഉദ്യോഗാർത്ഥികളെ ക്ഷണിച്ചിരിക്കുന്നത്. ഫോർജൻ, ഹീറ്റ് ട്രീറ്റേഴ്സ് എന്നീ വകുപ്പുകളുമായി ബന്ധപ്പെട്ട തസ്തികകളിലേക്കുള്ള യോഗ്യത പത്താം ക്ലാസാണ്.
അപേക്ഷകർക്ക് 150 സെന്റീമീറ്ററിന് മുകളിൽ ഉയരമുണ്ടായിരിക്കണം. ഏറ്റവും കുറഞ്ഞത് 45 കിലോ ഭാരം ഉള്ളവർക്കാണ് അപേക്ഷിക്കാൻ അവസരം. എഴുത്ത് പരീക്ഷയുടെയും അഭിമുഖത്തിന്റെയും അടിസ്ഥാനത്തിലാകും നിയമനം നടക്കുക. കൂടാതെ ഗണിതശാസ്ത്രത്തിലെ പ്രാവിണ്യം ആവശ്യമാണ്. തിരഞ്ഞെടുക്കപ്പെടുന്ന ഉദ്യോഗാർത്ഥികൾക്ക് പ്രതിമാസം 7,700-8050 രൂപ വരെ സ്റ്റൈപ്പൻഡ് ലഭ്യമാകും.
