ജൂണിൽ യുഎസിലും വെസ്റ്റിൻഡീസിലുമായി നടക്കുന്ന ടി20 ലോകകപ്പിനുള്ള ശ്രീലങ്കൻ ടീമിനെ പ്രഖ്യാപിച്ചു. പതിനഞ്ചംഗ ടീമിനെ ലെഗ് സ്പിന്നർ വനിന്ദു ഹസരംഗ നയിക്കും. സീനിയർ താരവും ഓൾറൗണ്ടറുമായ എയ്ഞ്ചലോ മാത്യൂസും ടീമിലിടം പിടിച്ചു. 2014-ലെ ടി20 ലോകകപ്പ് കിരീടം നേടിയ ടീമിലെ അംഗമായ താരം, ദീർഘ നാളത്തെ ഇടവേളയ്‌ക്ക് ശേഷമാണ് ടി20 ലോകകപ്പ് ടീമിൽ ഉൾപ്പെടുന്നത്.
മുൻ നായകൻ ദസുൻ ശാനകയും ടീമിൽ ഇടംകണ്ടെത്തി. ഐപിഎല്ലിൽ ചെന്നൈ സൂപ്പർ കിംഗ്‌സിനായി മിന്നും ഫോമിലുള്ള മതീഷാ പതിരാനയും ടീമിലുണ്ട്.
ഗ്രൂപ്പ് ഡിയിൽ ദക്ഷിണാഫ്രിക്ക, ബംഗ്ലാദേശ്, നെതർലാൻഡ്‌സ്, നേപ്പാൾ എന്നീ ടീമുകൾക്കൊപ്പമാണ് ശ്രീലങ്ക. ദക്ഷിണാഫ്രിക്കക്കെതിരെ ജൂൺ മൂന്നിനാണ് ലങ്കയുടെ ആദ്യ മത്സരം.
ടീം: വനിന്ദു ഹസരങ്ക (ക്യാപ്റ്റൻ), ചരിത് അസലങ്ക (വൈസ് ക്യാപ്റ്റൻ), കുശാൽ മെൻഡിസ്, പാത്തും നിസ്സംഗ, കമിന്ദു മെൻഡിസ്, സധീര സമരവിക്രമ, എയ്ഞ്ചലോ മാത്യൂസ്, ദസുൻ ശാനക, ധനഞ്ജയ ഡിസിൽവ, മഹീഷ് തീക്ഷണ, ദുനിത് വെല്ലാലഗ്, ദുശ്മന്ദ ചമീര, നുവാൻ തുഷാര, മതീഷാ പതിരാന, ദിൽഷൻ മധുശങ്ക.
റിസർവ്വ് താരങ്ങൾ
അശിത ഫെർണാണ്ടോ, വിജയകാന്ത് വിയാസ്‌കാന്ത്, ഭാനുക രാജപക്‌സ, ജനിത് ലിയാനേജ്.
