നെഞ്ച് തകർന്ന് കോലി, കണ്ണീരടക്കാൻ പാടുപെട്ട് ഡി.കെ; മരണവീടായി ആർ.സി.ബി ഡ്രെസിം​ഗ് റൂം; വീഡിയോ

എലിമിനേറ്ററിൽ രാജസ്ഥാന് മുന്നിൽ മുട്ടുക്കുത്തി ഐപിഎല്ലിൽ നിന്ന് പുറത്തായ ആർ.സി.ബിയുടെ ഡ്രെസിം​ഗ് റൂമിലെ വീഡിയോകൾ പുറത്തുവന്നു. നെഞ്ചുതക‍‌ർന്നിരിക്കുന്ന കോലിയെയും കണ്ണീരടക്കാൻ പാടുപെടുന്ന ​​ദിനേശ് കാർത്തിക്കിനെയും മറ്റു വിദേശ താരങ്ങളെയും വീഡ‍ിയോയിൽ കാണാം. തുട‍ർച്ചയായ 17-ാം സീസണിലാണ് ബെം​ഗളൂരു കിരീടമില്ലാതെ പോകുന്നത്. തുടർച്ചയായി ആറു മത്സരങ്ങൾ ജയിച്ചാണ് ആർ.സി.ബി പ്ലേ ഓഫിലെത്തിയത്.

ടോസ് നഷ്ടമായി ആ​ദ്യം ബാറ്റിം​ഗിനിറങ്ങിയ ആ‌‍ർ.സി.ബി 172 റൺസാണ് നേടിയത്. ഓരോവർ ബാക്കി നിൽക്കെ രാജസ്ഥാൻ ലക്ഷ്യം മറികടക്കുകയായിരുന്നു. റിയാൻ പരാ​ഗും ഷിംറോൺ ഹെറ്റ്മെയറും യശസ്വി ജയ്സ്വാളുമാണ് രാജസ്ഥാന് വേണ്ടി മികച്ച പ്രകടനം കാഴ്ചവച്ചത്. മത്സര ശേഷം പുറത്തുവന്ന വീ‍ഡിയോയിൽ വിരാട് കോലി ഫാഫ് ഡുപ്ലെസി എന്നിവരടക്കമുള്ള താരങ്ങൾ ആരാധകർക്ക് നന്ദി പറഞ്ഞു. ഇന്നലത്തെ മത്സരത്തോടെ കാർത്തിക് ഐപിഎല്ലിൽ നിന്ന് വിരമിക്കൽ പ്രഖ്യാപിക്കുകയും ചെയ്തു.

Unfortunately, sport is not a fairytale and our remarkable run in #IPL2024 came to an end. Virat Kohli, Faf du Plessis and Dinesh Karthik express their emotions and thank fans for their unwavering support. ❤️#PlayBold #ನಮ್ಮRCB pic.twitter.com/FYygVD3UiC

— Royal Challengers Bengaluru (@RCBTweets) May 23, 2024

“>