ബോളിവുഡിന്റെ താരദമ്പതികളാണ് രൺബീർ കപൂറും ആലിയ ഭട്ടും. സിനിമാ ജീവിതത്തെ പോലെ തന്നെ സമൂഹമാദ്ധ്യമങ്ങളിലും സജീവമാണ് ഇരുവരും. മകൾ റാഹയ്ക്കൊപ്പമുള്ള ഇരുവരുടെയും ചിത്രങ്ങൾ സമൂഹമാദ്ധ്യമങ്ങളിൽ ഏറെ ശ്രദ്ധേയമാകാറുമുണ്ട്. ഇപ്പോഴിതാ ആഡംബര കാർ സ്വന്തമാക്കിയതിന്റെ സന്തോഷത്തിലാണ് താരങ്ങൾ. 2. 50 കോടി വിലമതിക്കുന്ന Lexus LM കാറാണ് ഇരുവരും വാങ്ങിയത്.
ആലിയയും രൺബീറും താമസിക്കുന്ന അപ്പാർട്ട്മെന്റിലേക്ക് പുതിയ കാർ വരുന്നതിന്റെ വീഡിയോയാണ് സമൂഹമാദ്ധ്യമങ്ങളിൽ വൈറലാകുന്നത്. ആഡംബര കാറുകൾ വാങ്ങുന്നത് ഇരുവരുടെയും ഹോബിയാണ്. കഴിഞ്ഞ ഏപ്രിലിൽ താരങ്ങൾ ആറ് കോടി വിലമതിക്കുന്ന Bentley Continental GT V8 കാർ വാങ്ങിയിരുന്നു. അതിന് മുമ്പ് നാല് കോടിയുടെ Range Rover വാങ്ങിയതും സമൂഹമാദ്ധ്യമങ്ങളിൽ ഏറെ ശ്രദ്ധിക്കപ്പെട്ടിരുന്നു.
നിതേഷ് തിവാരി സംവിധാനം ചെയ്യുന്ന രാമായണത്തിന്റെ ചിത്രീകരണത്തിലാണ് രൺബീർ കപൂർ. സായ് പല്ലവിയാണ് രാമായണത്തിലെ നായിക. ബിഗ്ബജറ്റിലൊരുങ്ങുന്ന ചിത്രം രാമായണത്തെ ആസ്പദമാക്കിയാണ് ഒരുങ്ങുന്നത്.
