ന്യൂഡൽഹി: ആശുപത്രിയിൽ തീപിടിത്തം. ഡൽഹി ലാൽപദ് നഗറിൽ സ്ഥിതിചെയ്യുന്ന ഐ7 ചൗദരി ഐ സെന്ററിലാണ് തീപിടിത്തം ഉണ്ടായത്. രാവിലെ 11.30 ഓടെയായിരുന്നു സംഭവം. അപകടത്തെ തുടർന്ന് 16 ഓളം അഗ്നിശമനാ യൂണിറ്റുകൾ സ്ഥലത്തെത്തി തീയണയ്ക്കുന്നതിനുള്ള പരിശ്രമങ്ങൾ തുടരുകയാണ്. സംഭവത്തിൽ ആളപായമോ മറ്റ് നാശനഷ്ടങ്ങളോ റിപ്പോർട്ട് ചെയ്യപ്പെട്ടിട്ടില്ല.
ചൊവ്വാഴ്ച്ച പുലർച്ചെ ഹരിയാനയിലെ ഗുരുഗ്രാമിലെ ആംബിയൻസ് മാളിന് പുറകുവശത്തുള്ള ബാങ്ക്വറ്റ് ഹാളിൽ തീപിടിത്തമുണ്ടായി. തുടർന്ന് 20 ഓളം അഗ്നിശമന യൂണിറ്റുകൾ സ്ഥലത്തെത്തി തീയണച്ചു. വേനൽ കാലത്ത് ആശുപത്രികളിൽ തീപിടിത്തം നിത്യസംഭവമായി മാറുന്നതിനെത്തുടർന്ന് കേന്ദ്ര ആരോഗ്യമന്ത്രാലയം പ്രത്യേക നിർദേശം നൽകിയിരുന്നു. ആശുപത്രികൾക്ക് ആവശ്യമായ സുരക്ഷാമാനദണ്ഡങ്ങൾ പാലിക്കാനും അഗ്നിശമനസേനാ സുരക്ഷാ സന്നാഹങ്ങൾ സജ്ജമാക്കാനും കർശനമായ നിർദേശം നൽകിയിട്ടുണ്ട്.
