ചെന്നൈ: നടൻ വിജയ് യുടെ പിറന്നാളുമായി ബന്ധപ്പെട്ട പാർട്ടിക്കിടെ സാഹസീക പരിപാടി അവതരിപ്പിച്ച കുട്ടിക്ക് പൊള്ളലേറ്റു. 50-ാം പിറന്നാൾ പ്രമാണിച്ച് വിജയ് യുടെ പാർട്ടിയായ തമിഴക വെട്രി കഴകം സംഘടിപ്പിച്ച ആഘോഷ പരിപാടിയിലായിരുന്നു സംഭവം. കയ്യിൽ തീ കത്തിച്ച് ഓട് പൊട്ടിക്കുന്നതിനിടെ പൊളളലേൽക്കുകയായിരുന്നു. ചെന്നൈ നീലംഗരയിലെ സ്വകാര്യ ഹാളിലായിരുന്നു സംഭവം.
സമീപത്തുണ്ടായിരുന്നവർ തീ നിയന്ത്രണവിധേയമാക്കാൻ ശ്രമിച്ചെങ്കിലും നടന്നില്ല. കുട്ടിക്ക് പുറമെ, തമിഴക വെട്രികഴക പാർട്ടി പ്രവർത്തകർക്കും പൊള്ളലേറ്റിട്ടുണ്ട്.
പൊള്ളലേറ്റ കുട്ടിയേയും പാർട്ടി പ്രവർത്തകരെയും ആശുപത്രിയിൽ പ്രവേശിപ്പിച്ചിരിക്കുകയാണ്. വിജയ് യുടെ പിറന്നാളിനോടനുബന്ധിച്ച് സംസ്ഥാനത്തിന്റെ വിവിധ ഇടങ്ങളിൽ വലിയ ആഘോഷ പരിപാടികളാണ് പാർട്ടി സംഘടിപ്പിച്ചത്.