ന്യൂഡൽഹി: രാജ്യത്തെ ജനങ്ങളുടെ ജീവിതം മെച്ചപ്പെടുത്തുന്നതിനായി കേന്ദ്രസർക്കാർ പ്രതിജ്ഞാബദ്ധരാണെന്ന് പ്രധാനമന്ത്രി നരേന്ദ്രമോദി. 140 കോടി ജനങ്ങളുടെ ജീവിതം മെച്ചപ്പെടുത്തുന്നതിനായാണ് രാജ്യത്ത് ജിഎസ്ടി അവതരിപ്പിച്ചത്. ഇത് ചരക്കുകളുടെ വില കുറയ്‌ക്കാൻ സഹായിച്ചുവെന്നും പ്രധാനമന്ത്രി എക്‌സിൽ കുറിച്ചു.
” പരിഷ്‌കാരമെന്നുള്ളത് കേന്ദ്രസർക്കാരിനെ സംബന്ധിച്ചിടത്തോളം 140 കോടി ജനങ്ങളുടെ ജീവിത നിലവാരം ഉയർത്തുകയെന്നതാണ്. ഇതിനായി രാജ്യത്ത് ജിഎസ്ടി അവതരിപ്പിച്ചു. ഇന്ന് ജനങ്ങൾക്ക് തുല്യമായ നികുതിയിൽ കുറഞ്ഞ പണത്തിന് ചരക്കുകൾ ലഭ്യമാകുന്നു. ഒന്നിലധികം നികുതികളും സെസുകളും ഒഴിവാക്കി ചരക്കുകളുടെ വില നിയന്ത്രിക്കാനാണ് കേന്ദ്രസർക്കാർ ശ്രമിക്കുന്നത്. ജിഎസ്ടി അവതരിപ്പിച്ച് 7 വർഷം പിന്നിടുമ്പോൾ എല്ലാ ജനങ്ങൾക്കും തുല്യമായ നികുതി നൽകി ചരക്കുകൾ വാങ്ങാൻ സാധിക്കുന്നു.”- പ്രധാനമന്ത്രി കുറിച്ചു.
For us, reforms are a means to improve the lives of 140 crore Indians.
After the introduction of GST, goods for household use have become much cheaper.
This has resulted in significant savings for the poor and common man.
We are committed to continuing this journey of reforms… pic.twitter.com/dxh3BAYnHH
— Narendra Modi (@narendramodi) June 24, 2024
ജിഎസ്ടി നടപ്പിലാക്കിയത് എങ്ങനെ ചരക്കുകളുടെ വില നിയന്ത്രിച്ചുവെന്നതിന്റെ ഡേറ്റകളും മാദ്ധ്യമ റിപ്പോർട്ടുകളും പ്രധാനമന്ത്രി എക്‌സിൽ പങ്കുവച്ചിരുന്നു. വിവിധ നികുതികൾ അടയ്‌ക്കാതെ ജിഎസ്ടി എന്ന ഒറ്റ നികുതി അടച്ച് ഇന്ന് ജനങ്ങൾക്ക് സാധനങ്ങൾ വാങ്ങാൻ സാധിക്കുന്നു. വ്യത്യസ്ത സാധനങ്ങൾക്ക് വ്യാപാരികൾ ചുമത്തുന്നതും മറ്റുമായ നികുതികൾ ഒഴിവാക്കാൻ ഇതിലൂടെ സാധിച്ചു. പാവപ്പെട്ട ജനങ്ങളുടെ ജീവിതവും ഇന്ന് മെച്ചപ്പെട്ട നിലവാരത്തിലേക്ക് എത്തുന്നുവെന്നും പ്രധാനമന്ത്രി പറഞ്ഞു.
