മുംബൈ: മുംബൈ ആസ്ഥാനമായി പ്രവർത്തിക്കുന്ന പ്രമുഖ ആഗോള ഹ്യൂമൻ റിസോഴ്സ് കൺസൾട്ടൻസിയായ സീഗൾ ഇന്റർനാഷണലിന് ഡോ. എപിജെ അബ്ദുൾ കലാം ബിസിനസ് എക്സലൻസ് അവാർഡ്. സീഗൾ ഇന്റർനാഷണൽ ഗ്രൂപ്പ് ചെയർമാനും മാനേജിംഗ് ഡയറക്ടറുമായ ഡോ.സുരേഷ് കുമാർ മധുസൂദനൻ അഡ്വക്കേറ്റ് ജനറൽ കെ പി ജയചന്ദ്രനിൽ നിന്ന് അവാർഡ് ഏറ്റുവാങ്ങി.
തിരുവന്തപുരത്തെ കേരള സർവ്വകലാശാല സെനറ്റ് ചേംബറിൽ കേരള ഇന്റർനാഷണൽ കോൺഫറൻസിൽ സംഘടിപ്പിച്ച ചടങ്ങിലാണ് പുരസ്കാരം നൽകിയത്. നാല് പതിറ്റാണ്ടിലേറെ അനുഭവസമ്പത്തുള്ള സീഗൾ ഇന്റർനാഷണൽ, ആഗോളതലത്തിൽ അംഗീകരിക്കപ്പെട്ട ഹ്യൂമൻ റിസോഴ്സ് കൺസൾട്ടൻസിയാണ്. പത്ത് രാജ്യങ്ങളിലായി പതിനഞ്ച് ശാഖകളാണ് കമ്പനിക്കുളളത്.
ഡോ. എപിജെ അബ്ദുൾ കലാം ഇൻസ്റ്റിറ്റ്യൂട്ട് ഓഫ് ബിസിനസ് മാനേജ്മെന്റ് & സ്കിൽ ഡെവലപ്മെന്റാണ് മികച്ച ടാലന്റ് അക്വിസിഷൻ & ഹ്യൂമൻ റിസോഴ്സ് മാനേജ്മെന്റ് കമ്പനിയ്ക്കുള്ള അവാർഡ് നൽകിയത്.
നിയമസഭാ സെക്രട്ടറി പ്രൊഫ. (ഡോ.)എൻ. കൃഷ്ണകുമാർ, യുകെയിലെ സ്റ്റാഫോർഡ്ഷയർ യൂണിവേഴ്സിറ്റി ഡയറക്ടർ പ്രൊഫ. (ഡോ) സാമന്ത സ്പെൻസ് കേരള കേന്ദ്ര സർവകലാശാലയിലെ നിയമവിഭാഗം മേധാവി ഡോ.എൻ.ഗിരീഷ് കുമാർ, സ്പെയിനിലെ ജീൻ സർവകലാശാലയിലെ പ്രൊഫസർ ഡോ.റാബിയ എം. റാബെറ്റ് ടെംസമാനി,ഹിമാലയൻ യൂണിവേഴ്സിറ്റി പ്രോ വൈസ് ചാൻസലർ ഡോ. പ്രകാശ് ദിവാകരൻ, ഡോ.എ.പി.ജെ. അബ്ദുൾ കലാം ഇൻസ്റ്റിറ്റ്യൂട്ട് ഓഫ് ബിസിനസ് മാനേജ്മെന്റ് & സ്കിൽ ഡെവലപ്മെന്റ് എക്സിക്യൂട്ടീവ് ഡയറക്ടർ ഡോ. ശ്രീ. വില്ലറ്റ് കൊറേയ, മാരിടൈം ബിസിനസ് ബുള്ളറ്റിൻ ചീഫ് എഡിറ്റർ ശ്രീ. നാണു വിശ്വനാഥൻ, നാസിക്കിലെ ആർ എൻ സി ആർട്സ്, കൊമേഴ്സ് & സയൻസ് കോളേജിലെ പ്രൊഫസർ ഡോ. സുരേഷ് ഘോദ്രാവോ ഉൾപ്പെടെ നിരവധി പ്രമുഖർ അവാർഡ് ദാന ചടങ്ങിൽ പങ്കെടുത്തു.