മനാമ: ഹൃദയാഘാതത്തെ തുടർന്ന് ബഹറിനിൽ മലയാളി യുവാവിന് ദാരുണാന്ത്യം. പത്തനംതിട്ട അടൂർ സ്വദേശി വൈശാഖാണ് മരിച്ചത്. 28 വയസായിരുന്നു. മുഹ്റക്കിലുള്ള താമസ സ്ഥലത്ത് വച്ചായിരുന്നു മരണം. ബഹറിനിലെ ഒരു സ്വകാര്യ കമ്പനിയിൽ എൻജിനീയർ ആയിരുന്നു.
2019 മുതൽ ബഹ്റിനിലുള്ള വൈശാഖിന്റെ വിവാഹം ഈ വരുന്ന ഒക്ടോബറിൽ നിശ്ചയിച്ചിരുന്നു. സൽമാനിയ മോർച്ചറിയിൽ സൂക്ഷിച്ചിരിക്കുന്ന മൃതദേഹം നാട്ടിൽ കൊണ്ടുപോകുന്നതിനുള്ള നടപടികൾ പുരോഗമിക്കുകയാണ്. അച്ഛൻ ഹരിക്കുട്ടൻ, അമ്മ പ്രീത, സഹോദരൻ വിഘ്നേഷ്.
